"ნაციონალური მოძრაობა“ ერთგვარი „ტიტანიკია“ - მისი გაყოფა გარდაუვალია"- გია ხუხაშვილი
„ნაციონალური მოძრაობის“ გაყოფა უბრალოდ გარდაუვალია, მათთვისაც ასე ჯობია და პოლიტიკური პროცესისთვისაც კარგია, - ამის შესახებ პოლიტოლოგმა გია ხუხაშვილმა განაცხადა, როდესაც პარტიაში მიმდინარე პროცესები შეაფასა.
მისივე განცხადებით, „ნაციონალური მოძრაობის“ მხარდამჭერები უკვე ორად არიან გაყოფილი და მათი შერიგება შეუძლებელია.
„პარტიის ძალას განსაზღვრავს ხალხი, მისი მხარდამჭერები და მხარდამჭერების შერიგება უკვე შეუძლებელია. შესაბამისად პოლიტიკურმა ელიტამ ამ განწყობებს უნდა უპასუხოს, ყალბ შერიგებას რა აზრი ექნება? - ალბათ მალე მოხდება გაყოფა, ჩემი პროგნოზით, ზუსტად თარიღს ვერ დაგისახელებთ, მაგრამ ეს არის გარდაუვალი. გაყოფა მოხდება და ელექტორატიც რაღაც პროპორციით აუცილებლად გაიყოფა, ეს გასათვალისწინებელია“, - განაცხადა გია ხუხაშვილმა.
გარდა ამისა, მან ისაუბრა „საერთაშორისო რესპუბლიკური ინსტიტუტის“ ბოლო კვლევაზეც, IRI-ის უახლესი კვლევების შეფასებისას გია ხუხაშვილმა განაცხადა, რომ „ნაციონალურ მოძრაობას“ ელექტორალური ზრდის საშუალება არ აქვს და წინასაარჩევნო კოალიციები მას არაფერს მისცემს.
„ნაციონალურ მოძრაობას არ აქვს ელექტორალური ზრდის საშუალება, ის ერთგვარი ტიტანიკია. მას 10- პროცენტიანი პარტიაც რომ შეუერთდეს, ჯამში 14%-ს პლუს 10% კი არ იქნება, იგივე 14% დარჩება ან შეიძლება 15-16% გახდეს. იმიტომ, რომ ეს პარტია ერთგვარი ტიტანიკია, რაც ხელისუფლებას აძლევს ერთგვარი ანტიკამპანიის წარმოების საშუალებას და სხვა პარტიის ელექტორატს აფრთხობს და აშორებს იმ პარტიას. ასეთი მოცემულობა შეიქმნა, რომ „ნაციონალურ მოძრაობას“ აქვს გარკვეული დამღა და წინასაარჩევნო კოალიციები მას არაფერს არ მისცემს, მაგრამ ის შეიძლება აღმოჩნდეს პოსტსაარჩევნო კოალიციაში“, - განაცხადა გია ხუხაშვილმა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი