"აგვიხსნან როგორ არღვევს პრეზიდენტი კონსტიტუციას" - პაატა მანჯგალაძე
მივმართავ „ქართული ოცნების“ ლიდერებს, აგვიხსნან გერმანიის პრეზიდენტთან ან ევროსაბჭოს პრეზიდენტთან შეხვედრით როგორ არღვევს საქართველოს პრეზიდენტი კონსტიტუციას და როგორ ეწინააღმდეგება საქართველოს ევროკავშირში ინტეგრაციის კურსს - თუ ვინმეს ლუსტრაცია მოხდა და მოხდება ამ იმპიჩმენტის წამოწყების პროცესით, ეს „ქართული ოცნებაა“, - ამის შესახებ „სტრატეგია აღმაშენებლის“ გენერალურმა მდივანმა პაატა მანჯგალაძემ ჟურნალისტებს განუცხადა, რითაც მმართველი პარტიის მხრიდან საქართველოს პრეზიდენტის მიმართ იმპიჩმენტის პროცესის წამოწყება შეაფასა.
მანჯგალაძის თქმით, აღნიშნულის დასაბუთება „მნიშვნელოვანი და პრინციპულია“.
„მათ [„ქართული ოცნების“] მიერ არჩეულ პრეზიდენტს იმპიჩმენტს უპირებენ მხოლოდ იმის გამო, რომ მან საქართველოს ევროატლანტიკური კურსის მიმართ მხარდაჭერა ღიად დააფიქსირა. მივმართავ „ქართული ოცნების“ ლიდერებს, კობახიძეს, ღარიბაშვილს და ა.შ. - დაგვისაბუთონ, აგვიხსნან საქართველოს მოქალაქეებს, შტაინმაიერთან - გერმანიის პრეზიდენტთან ან ევროსაბჭოს პრეზიდენტთან შეხვედრით როგორ არღვევს საქართველოს პრეზიდენტი კონსტიტუციას და როგორ ეწინააღმდეგება საქართველოს ევროკავშირში ინტეგრაციის კურსს; რა ზიანის მომტანია ეს შეხვედრები საქართველოს ევროატლანტიკური კურსისთვის. ამის დასაბუთება მნიშვნელოვანი და პრინციპულია. თუ პირიქით - ისინი აკეთებენ რუსულ საქმეს, როდესაც პრეზიდენტს და სხვა ყველა პროდასავლურად განწყობილ ოპოზიციას არ აძლევენ შესაძლებლობას, რომ ქართველი ხალხის [ნების] რეალიზება მოხდეს“, - განაცხადა პაატა მანჯგალაძემ.
ამასთან, მანჯგალაძე ამბობს, იმპიჩმენტს მხარს არ დაუჭერენ.
„არათუ მხარს არ დავუჭერთ, არამედ ჩვენი პოზიციაა, რომ ეს არის ლუსტრაცია ვინ არის საქართველოს თავისუფლების, ევროპული კურსის მხარდამჭერი და ვინ - საქართველოს რუსულ ჭაობში ჩახრჩობის მომხრე. ეს ქმედება ეწინააღმდეგება არა პრეზიდენტ ზურაბიშვილის წინააღმდეგ, არამედ ეს ქმედება უნდა განვიხილოთ როგორც საქართველოს დასავლური კურსის საბოტაჟი“,- განაცხადა მანჯგალაძემ.
სიახლეები
- "არ შეიძლება ევროკავშირის კანდიდატი ქვეყანა კრემლის მარიონეტებით იმართებოდეს, ან ერთია ან მეორე"
- "სომხეთი ევროკავშირთან ურთიერთობის გაუმჯობესებას არცერთ სხვა ქვეყანას არ დაეკითხება" - ნიკოლ ფაშინიანი
- უცხოური ვალუტის ოფიციალური კურსი 8 მაისისთვის
- ფაშიზმზე გამარჯვების 79-ე წლისთავთან დაკავშირებით, მეორე მსოფლიო ომის მონაწილეები 2 000 ლარს, ხოლო მეორე მსოფლიო ომში დაღუპულთა ოჯახის წევრები 1 000 ლარს მიიღებენ
- უკრაინაში კიდევ ორი ქართველი მებრძოლი დაიღუპა