ბლინკენი ღაზის ომის გარშემო თურქეთის ოფიციალურ პირებთან შეხვედრებს მართავს
აშშ-ის სახელმწიფო მდივანმა, ენტონი ბლინკენმა ახლო აღმოსავლეთის კრიზისის გარშემო თავისი მოგზაურობა დაიწყო და პირველი შეხვედრები თურქეთში გამართა.
თურქეთის ცნობით, ბლინკენი შეხვდა ამ ქვეყნის საგარეო საქმეთა მინისტრს, ჰაქან ფიდანს. მათი საუბრის თემა იყო ომი და ჰუმანიტარული კრიზისი ღაზის სექტორში, მათ ამასთან განიხილეს ნატოში შვედეთის გაწევრიანების თემა, იტყობინება საგარეო საქმეთა სამინისტრო.
უკრაინაზე რუსეთის თავდასხმის შემდეგ შვედეთმა ნეიტრალური საგარეო პოლიტიკა შეცვალა და ნატოში გაწევრიანების სურვილი გამოთქვა. თურქეთი, ნატოს წევრი, ხელს უშლიდა ალიანსში შვედეთის გაწევრიანებას, მაგრამ, ახლა მოელიან, რომ პარლამენტი საბოლოოდ დაამტკიცებს გადაწყვეტილებას.
ბლინკენი მოგვიანებით ხვდებოდა თურქეთის პრეზიდენტს, რეჯეპ ტაიპ ერდოანს, რომელიც ღაზაში ისრაელის ქმედებას მკაცრად აკრიტიკებს.
სახელმწიფო მდივნის მოგზაურობის მიზანია ღაზის ომის შედეგად დაძაბული ვითარების დაწყნარება. ბლინკენი 6 იანვარს აპირებს საბერძნეთის კუნძულ კრეტაზე ჩავიდეს და იქ შეხვდეს ამ ქვეყნის პრემიერ-მინისტრს, კირიაკოს მიცოტაკისს.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე