აშშ მიესალმება პრეზიდენტის გადაწყვეტილებას ნიკა გვარამიას შეწყალებასთან დაკავშირებით. ეს საქმე პრობლემატური იყო თავიდანვე. პრეზიდენტის გადაწყვეტილება მნიშვნელოვანი წვლილია საქართველოში პოლარიზაციის და დაყოფის შესამცირებლად, - ამის შესახებ საქართველოში აშშ-ის ელჩმა, კელი დეგნანმა განაცხადა.
ჩვენ იმედი გვქონდა, რომ პრეზიდენტი იმ ზეწოლას გაუძლებდა, რომელიც მასზე შეწყალებასთან დაკავშირებით იყო და ის კანონის უზენაესობის, ქართველი ხალხის სახელით განხორციელებული მართლმსაჯულების მხარეს დადგებოდა, მაგრამ მან სხვა მხარე აირჩია, - ასე გამოეხმაურა პარლამენტის თავმჯდომარე შალვა პაპუაშვილი საქართველოს პრეზიდენტის, სალომე ზურაბიშვილის მიერ „მთავარი არხის“ დამფუძნებლის, ნიკა გვარამიას შეწყალებას.
მე არ მომწონს ჩემი თავი ამ ვიდეოებში. საძაგლობაა ქალთან მიმართებით ასე მოქცევა. მე ვწუხვარ ამის გამო და ბოდიშს ვუხდი მას ამის გამო ,- ამის შესახებ „მთავარი არხის“ გენერალურმა დირექტორმა, ნიკა გვარამიამ საპატიმროს დატოვების შემდეგ განაცხადა, რითაც უპასუხა, მის მიერ წარსულში პრეზიდენტის მისამართით გაკეთებულ შეურაცხმყოფელ განცხადებებთან დაკავშირებით დასმულ კითხვას.
ევროპული საბჭოს პრეზიდენტი შარლ მიშელი მიესალმება საქართველოს პრეზიდენტის სალომე ზურაბიშვილის გადაწყვეტილებას ნიკა გვარამიას შეწყალების შესახებ, როგორც არსებით ნაბიჯს საქართველოში დეპოლარიზაციისკენ.
ევროპული საბჭოს პრეზიდენტი შარლ მიშელი მიესალმება პრემიერ-მინისტრის ირაკლი ღარიბაშვილის მიერ კიდევ ერთხელ დადასტურებას, რომ საქართველო არ შეეცდება "უცხოური გავლენის" შესახებ კანონის მიღებას. ამის შესახებ საქართველოზე ევროპული საბჭოს პრესრელიზშია აღნიშნული.
ნიკა გვარამიას გათავისუფლების შემდეგ დიდია საფრთხე ახალი იერიში მიიტანონ ოპოზიციის ლიდერებზე, - ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ განაცხადა.
