ქუთაისში პროექტის „მედიახმა: მედია - მეტი თავისუფლებისა და ნაკლები თვითცენზურა“ - ვორქშოპი გაიმართა

ქუთაისში ჟურნალისტებისთვის პროექტის „მედიახმა: მედია - მეტი თავისუფლებისა და ნაკლები თვითცენზურა“ - მორიგი ვორქშოპი გაიმართა.

„მედიახმის“ ტრენერები და ექსპერტები იყვნენ:

 

• ირინე ქურდაძე, საერთაშორისო სამართლის ინსტიტუტის (თსუ) დირექტორი, პროფესორი;
• თეონა ცხომელიძე, მედიაექსპერტი და ჟურნალისტი;
• ზურა ვარდიაშვილი, „პუბლიკას“ მთავარი რედაქტორი, ლექტორი;
• თამარ ალექსიძე, საერთაშორისო სამართლის ექსპერტი და ლექტორი (საერთაშორისო სამართლის ინსტიტუტი).

 

როგორც MCERC-ის თავმჯდომარე, პროფესორი მარიამ გერსამია აცხადებს, პროექტის მიზანია გამოხატვის თავისუფლების მხარდაჭერა, მედიის სიცოცხლისუნარიანობის გაძლიერება და მხარდამჭერი მედიაგარემოს შექმნა.

 

"ჩვენმა კვლევებმა აჩვენა, რომ აუცილებელია მედიაში დასაქმებულ პირთა მედეგობის გაძლიერება თვითცენზურასა და შიშთან გამკლავებაში. ამაში ჩვენ გვეხმარებიან მედიისა და სამართლის ექსპერტები.

 

ამ პროექტის ფარგლებში, რომლის მხარდამჭერიც არის ნიდერლანდების სამეფო საელჩო საქართველოში, ჩვენ დაგეგმილი გვაქვს, როგორც ტრენინგები ასევე, სოლიდარობის შეხვედრები.

 

აქ ძალიან მნიშვნელოვანია გავაძლიეროთ ჟურნალისტების სოლიდარობის ქსელი, რადგან მათ ყოველდღიურ საქმიანობაში მხარდამჭერი მედია გარემო ძალიან სჭირდებათ.


ჩვენ პროექტს ამ მიმართულებით ვახორციელებთ და პირველი გასვლა რეგიონში, სწორედ ქუთაისში გვაქვს," - აღნიშნა FirstNews.ge- თან საუბარში მარიამ გერსამიამ.

 

MCERC აქტიურად თანამშრომლობს მედიაორგანიზაციებთან და უმაღლეს საგანმანათლებლო დაწესებულებებთან. პროექტ „მედიახმის“ მთავარი პარტნიორები არიან თსუ, საერთაშორისო სამართლის ინსტიტუტი (Jean Monet Chair / UEUPE), საქართველოს უნივერსიტეტი და მედიაგამოცემა „პუბლიკა“.


MCERC-ის პროექტი „მედიახმა: მეტი თავისუფლება, ნაკლები თვით-ცენზურა მედიაში“ ხორციელდება საქართველოში ნიდერლანდების სამეფოს საელჩოს მხარდაჭერით.


#მედიახმა  #mediaVoice #MCERC

 

287843205 1088419675092213 3698533949223379633 n1111

წაკითხვა 649 ჯერ განახლდა განახლდა ივნისი 18 2022
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.