- ამის შესახებ ხორავას ქუჩაზე მოკლული მოზარდის მამამ ზაზა სარალიძემ პარლამენტის შენობასთან მიმდინარე აქციაზე განაცხადა, სადაც ცოტა ხნის წინ აქციის მონაწილეებსა და პოლიციას შორის დაპირისპირება მოხდა.

„ხედავთ პოლიცია როგორ ზეწოლაზე მოდის და კალაძე მე მომიწოდებს, რომ ჩვენ და მოსახლეობას შორის რამე არ მოხდეს. ჩვენ შორის კი არაფერი მოხდება, პოლიცია გააჩეროს. უკანონოდ რომ გვარბევენ, ის ნაძირლები გააჩეროს, რომ გადაგვთელეს და გადაგვიარეს. ვიდრე ჩემ სისხლს არ დაღვრიან ან ვიდრე ჩემი შვილის მკვლელები და საქმის გამყალბებლები არ იქნებიან პასუხისგებაში მიცემული, მანამდე აქ ვიქნებით“, - განაცხადა სარალიძემ.

შეგახსენებთ, რომ რუსთაველის გამზირზე პარლამენტის შენობის წინ ზაზა სარალიძისა და მალხაზ მაჩალიკაშვილის მხარდასაჭერი აქცია "კარვებით ვიცავთ თავისუფლებას" მიმდინარეობს, რომელსაც ორგანიზებას არასამთავრობო ორგანიზაციები უწევენ.