სოფელი ბადებს ოცნებას, წასვლისა და გამარჯვების სურვილს - გიორგი კეკელიძე
მწერალი გიორი კეკელიძე სოციალურ ქსელში შემდეგი შინაარსის სტატუსს აქვეყნებს:
"სოფელი ბადებს ოცნებას. წასვლის და გამარჯვების სურვილს. როცა იქ ცხოვრობ, ხშირად დამარცხებულად დაბადებული გგონია თავი. ვალინკის გადანაჭერი იცით? ეს არის კალოშად ქცეული ვალინკა (მახსოვს ქართული შესატყვისებიც, უბრალოდ აქ და ახლა, რატომღაც არ უხდება). ეს გადანაჭერი ტალახმიცხებულია. არასდროს რეცხავენ. ჩაიცვამ და გახვალ შარაზე, წუხელმანქანაგავლილ შარაზე. ნაბორბრალში ჩამდგარი გუბე რომ ცას ირეკლავს - ეგ არის სოფელი. ადამიანისთვის ყველაზე რთული სიმშვიდის გაძლებაა, საკუთარ თავთან დარჩენის გაძლება. სოფელი გვიყვარს შორიდან და შორიდანვე ვაქებთ. ზაფხულის არდადეგებზე ორი კვირით ჩასვლა სოფელთან ვერ მიგიყვანთ. იშვიათია სოფლით ბედნიერი ადამიანი. სიმშვიდის გამძლები ადამიანი. ასეთი ადამიანი სახეზე იცნობა, ოღონდ მოყოლა ვერ გაწვდება მათ სახეს - უნდა ნახო.
ჩემი მცდელობაც ეგ არის. უკანასკნელ კვირაში ცხრა სოფელში ვიყავი. ვიღლები, მაგრამ არჩევანი ჩემია - ვერავის დავაყვედრებ. თუ რამე მსიამოვნებს ამ სასტიკ და გაუგებარ სამყაროში, მათზე დაკვირვება და მათთან საუბარი. საუბარი რა, უფრო მოსმენა. და ვარჯიში მარტოობაში, რადგან ზუსტად ვიცი, ოდესმე მეც მათი სამყაროს უმნიშვნელო ნაწილი გავხდები.
#სოფლებიდაადამინები
#გიორგიკეკელიძე #giorgikekelidze" - წერს ის.
სიახლეები
- "აუცილებელია, გამოვტაცოთ ხელიდან საარჩევნო კომისია და არავითარ შემთხვევაში, არანაირი სახეცვლილი ფორმით არ დავუშვათ „რუსული კანონის“ მიღება, რომელიც ფაქტობრივად არჩევნებსაც აუქმებს"
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"