“გარეჯი საქართველოა”, გელათი არაა, ხომ? - რომან გოცირიძე
"ნაციონალური მოძრაობის" ერთ - ერთი ლიდერი სოციალურ ქსელში გელათის ტაძრის ირგვლივ განვითარებულ მოვლენებს ეხმაურება:
"მონღოლების, ოსმანების, რუსების ბატონობას გაუძლო, 900 წლის განმავლობაში რაღაცით მაინც ხომ ხურავდნენ, იმდროინდელი მწირი “ტექნოლოგიებით”, რომ აქამდე მოეღწია. 21-ე საუკუნეში სახურავს რომ ვერ დააგებ, ანუ, თანამედროვე ენით რომ ვთქვათ, ჰიდროიზოლაციას რომ ვერ მოაბამ თავს, რას უნდა მოაბა თავი საერთოდ მაშინ.
გელათის ფრესკები თვალსა და ხელს შუა გვეცლება. გადადგებოდა კი არა, კინწისკვრით უნდა გაყრილიყო მთავრობა მხოლოდ ამ დანაშაულის გამო.
იმერეთიდან თბილისში ჩამოდიან მარშებით ბუნების დასაცავად. გელათი მაინც გამოიარონ. გარეჯის “მცველები” გელათს რატომ არ იცავენ? ე.წ. “ოჯახის სიწმინდის დღეებზე” ათასობით რომ გამოდიან ქუჩაში, ასი მაინც გამოვიდეს გელათის დასაცავად.
არ იზამენ ამას. ეს რომ ქნან, იქით მთავრობის პასუხისმგებლობის საკითხი წამოიწევს, აქეთ ეკლესიის. ყველა დანაშულის უკან ხომ ადამიანები დგანან-საერო, სასულიერო, პოლიტიკური, არაპოლიტიკური. ვიღაცის ინტერესებს შეეხები. სადღაც ფულის ფაქტორიც იქნება, როგორც მუდმივი ფაქტორი. ამ ინტერესთა რთულ ხლართებში გახვეული აღმოჩნდა გელათი და ისე ჩამოიშალა ფრესკები, რომ გაპროტესტებაც კი არ ვაღირსეთ.
“გარეჯი საქართველოა”, გელათი არაა, ხომ?"- წერს რომან გოცირიძე.
სიახლეები
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
- " ვხედავთ ძალადობას: ოპონენტების ცემა, დაშინება, დემონსტრაციების დარბევა, რეპრესიები და სხვა სასტიკი მეთოდები, ამას არაფერი აქვს საერთო ევროპასთან"
- დღეს, აქცია-პერფორმანსი "გზავნილი ქუთაისიდან" - კი ევროპას! არა რუსულ კანონს!" გაიმართა