"ბავშვები ყველაზე ღარიბები არიან საქართველოში" - ბაია პატარაია
"ბავშვები უყვართ ქართველებსო, ამბობენ ხოლმე, რადგან ქუჩაში ლოყებს უჩქმეტენ და "უსეგენაცალეს" ეუბნებიან.
მაგრამ რა არის სიყვარული? სადღეგრძელოების თქმა რომ არ არის, ამაზე მგონი შევთანხმდით", - ამის შესახებ უფლებადამცველი და ორგანიზაცია "საფარის" დამფუძნებელი სოციალურ ქსელში წერს.
"მოდი ფაქტებსაც ჩავკრათ თვალი:
- ბავშვები ყველაზე ღარიბები არიან საქართველოში;
- ბავშვები შიმშილობენ ამ ქვეყანაში;
- განათლების საზომით, საქართველოს ბავშვები ბოლოდან მესამე ადგილზე გადიან (ანუ უსაშინლესი სკოლა გვაქვს);
- საკუთარ ფბ კედელს ჩახედეთ, ჩვენი შესაგროვებელი ხდება ბავშვების საოპერაციო და სამკურნალო ფული, ესეც აჩვენებს სახელმწიფოს დამოკიდებულებას ბავსვების ჯანდაცვისადმი;
- ბავშვებს ვერ ვიცავთ ბავშვთა ქორწინებისგან. ზუსტად 1 კვირის წინ 12 წლის გოგო გამოვტაცეთ ოჯახს შუა ნიშნობიდან;
- პედოფილიის მსხვერპლი ბავშვების საქმეები თაროზე გამოუძიებელი უდევს პროკურატურას და სტრასბურგისთვის ვამზადებთ;
სამწუხაროდ კიდევ ბევრი სისტემური ბოროტების ჩამოთვლა შემიძლია, მაგრამ დღეს მხოლოდ ნინოწმინდის ბავშვებისთვის მოგიწოდებთ გაერთიანებას:
1. ბავშვთა სახლები ბოროტებაა და უნდა დაიხუროს.
2. მეუფე სპირიდონი სექსუალური მოძალადე თუა, რანაირად ხელმძღვანელობს ოფიციალურად "უპატრონო ბავშვთა პანსიონს"?
3. ომბუდსმენს ნინოწმინდის პანსიონში არ უშვებენ გაეროს მოთხოვნის მიუხედავად.
დღეს 6 საათზე კანცელარიასთან ვიკრიბებით ნინოწმინდის ბავშვებისათვის" - წერს ბაია პატარაია.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი