"ნუთუ მართლა ღირს ეს ქორწილები, კონცერტები, და სხვა ტიპის თავყრილობები ამდენი ადამიანის სიცოცხლედ?"
ამერიკაში მცხოვრები ექიმი, კარდიოლოგი ნანა გეგეჭკორი სოციალურ ქსელში პოსტს აქვეყნებს.
მედიკოსი "ფეისბუქის" საკუთარ გვერდზე წერს, რომ თუ წესებს არ დავიცავთ, ჰოსპიტალური სექტორის კოლაფსი გარდაუვალია.
"თუ არ დავიცავთ პრევენციის წესებს, არ ავიცრებით და ყველა შესაძლებლობას არ გამოვიყენებთ კორონავირუსისთვის გავრცელების არეალის შესაზღუდად;
- ჰოსპიტალური სექტორის კოლაფსი გარდაუვალია.
- ჰოსპიტალური სექტორის კოლაფსი არ ნიშნავს მხოლოდ არასაკმარის საწოლებს. კოლაფსის ნაწილია გამოფიტული სამედიცინო პერსონალი, ამოწურული ტექნიკური შესაძლებლობები, ქაოსი რეგულაციებში და ა.შ.
- გადატვირთული ჰოსპიტალური სექტორი ნიშნავს, კოვიდის გარდა ყველა სხვა სამედიცინო პრობლემისთვის არასაკმარის ყურადღებას. მაგალითად, პაციენტები მიოკარდიუმის ინფარქტით, ინსულტით, გულის უკმარისობით, პანკრეატიტით და ასე შემდეგ, ვერ მიიღებენ სამედიცინო დახმარებას რადგან მათთვის ფიზიკურად ადგილები აღარ დარჩება.
უკეთეს შემთხვევაში, მოუწევთ ისეთ გარემოში მკურნალობა სადაც კორონავირუსით დაინფიცირების მაღალი საფრთხეა. რამდენად ადვილი იქნება ამა თუ იმ მწვავე დაავადებას თანდართული კოვიდის უსაფრთხოდ გადატანა თავად განსაჯეთ...
ასე დაიღუპა ამერიკაში უამრავი ადამიანი სახლში, სხვა არაკოვიდური დაავადებებით, პანდემიის პირველ კვირებში. ფიზიკურად ჰოსპიტლებს არ ჰქონდათ არანაირი რესურსი მათ მისაღებად.
ნუთუ მართლა ღირს ეს ქორწილები, კონცერტები, და სხვა ტიპის თავყრილობები ამდენი ადამიანის სიცოცხლედ?", - წერს ნანა გეგეჭკორი სოციალურ ქსელში.
სიახლეები
- "ქვეყნის გადარჩენისთვის ერთადერთი გამოსავალი არის ხალხმრავალი, შეუჩერებელი, მყარი და მშვიდობიანი დემონსტრაციები"
- "ევროპაში, ამერიკაში აღვირახსნილი კამპანიაა, საბავშვო ბაღებში, სკოლებში მიჰყავთ ტრანსგენდერები და ეუბნებიან, თუ შენი სქესი არ მოგწონს, შეგიძლია გადაიკეთოო - ეს არის ანტიადამიანური, დემონური ინიციატივები და ამას სჭირდება ჩაკეტვა"
- "კანონი არ არის ბიძინა ივანიშვილი, კანონი არ არის ირაკლი კობახიძე, კანონი არის კანონი, რომელმაც უნდა დაიცვას ქართველი ხალხი"
- "საჭიროა აშშ-სთან მუშაობა, დიალოგი და საუბარი" - ირაკლი ღარიბაშვილი კონგრესმენების წერილზე
- "ჩვენი უმთავრესი საგარეო პრიორიტეტი ევროკავშირის წევრობაა და ამისთვის ყველაფერი კეთდება" - პრემიერი