"თუ ირანსა და აზერბაიჯანს შორის სამხედრო კონფლიქტი დაიწყო, თურქეთი ჯარის გატარებასა და საჰაერო სივრცის დათმობას მოგვთხოვს"
თუ ირანსა და აზერბაიჯანს შორის სამხედრო კონფლიქტი დაიწყო (მიზეზები ამისთვის საკმარისზე მეტია, ჩამოთვლა შორს წაგვიყვანს), თურქეთი აუცილებლად მოგვთხოვს ჯარის გატარებას აზერბაიჯანის არმიის მხარდასაჭერად და საჰაერო სივრცის დათმობას (არ არის გამორიცხული, რომ ალიევის ვიზიტის ერთ-ერთი მიზანი ასეთი გარანტიების მიღება იყო), - ამის შესახებ სოციალურ ქსელში ექსპერტი საერთაშორისო საკითხებში კახა გოგოლაშვილი წერს.
მისი თქმით, თუ თურქეთსა და აზერბაიჯანს დავეხმარეთ პრობლემა ირანთან, სომხეთთან და რუსეთთან ერთდროულად შეგვექმნება.
"ირანმა შეიძლება დრონები და რაკეტებიც კი დაუშინოს ჩვენს რკინიგზას და გზებს, როგორც მინიმუმ. თურქეთ-აზერბაიჯანისთვის უარის თქმის შემთხვევაში კი პრობლემა ამ ორ ზემოხსენებულ სტრატეგიულ პარტნიორთან, შესაძლოა ისრაელთან და იქნებ აშშ-სთანაც კი გაჩნდეს. თავისთავად რუსეთიც მოინდომებს სომხეთში დერეფნის გაჭრას, რომ ზანგეზურის დერეფანი დაიცვას. თან ამის ვალდებულებაც აქვს 2020 წლის (ყარაბაღში ცეცხლის შეწყვეტის) შეთანხმებით.
არ ვცდილობ რაღაცის მტკიცებას, მხოლოდ ვარაუდია, მაგრამ ვშიშობ, რომ მხარის არჩევა მოგვიწევს, რადგან ბალანსირება ასეთ ვითარებაში აღარ იმუშავებს. ალბათ სჯობს ახლავე მოვითხოვოთ სამხედრო დახმარება თურქეთისგან და დასავლეთისგან და კარგად მოვემზადოთ არასასურველი სცენარისთვის,"- წერს კახა გოგოლაშვილი.
სიახლეები
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
- " ვხედავთ ძალადობას: ოპონენტების ცემა, დაშინება, დემონსტრაციების დარბევა, რეპრესიები და სხვა სასტიკი მეთოდები, ამას არაფერი აქვს საერთო ევროპასთან"
- დღეს, აქცია-პერფორმანსი "გზავნილი ქუთაისიდან" - კი ევროპას! არა რუსულ კანონს!" გაიმართა
