"თანამედროვე რუსეთში სიკვდილით დასჯაზე მორატორიუმი მოქმედებს" - დიმიტრი მედვედევი
რუსეთის უშიშროების საბჭოს ხელმძღვანელის მოადგილე, ყოფილი პრემიერ-მინისტრი დიმიტრი მედვედევი მოღალატეებისთვის სიკვდილით დასჯის აღდგენის შესაძლებლობაზე საუბრობს. ამის შესახებ მან ტელეგრამ-არხში დაწერა.
როგორც მედვედევმა აღნიშნა, მეორე მსოფლიო ომის დროს დივერსანტებს, რომლებიც ფაშისტი მკვლელების ბრძანებით ძირისგამომთხრელ სამუშაოებს ეწეოდნენ, ხვრეტდნენ სასამართლოსა და გამოძიების გარეშე.
„შენ თუ მოღალატე ხარ, რომელმაც საომარ დროს ასეთი დანაშაული ჩაიდინე, მაშინ შენ არ გაქვს არც ასაკი, არც ეროვნება და არც საკუთარი ცხოვრების დაცვის უფლება. თანამედროვე რუსეთში სიკვდილით დასჯაზე მორატორიუმი მოქმედებს. სხვათა შორის, ბირთვული იარაღის მქონე უმსხვილესი ქვეყნებისგან (აშშ, ჩინეთი, ინდოეთი) განსხვავებით. თუმცა, კიდევ ერთხელ ხაზგასმით აღვნიშნავ, ამჟამინდელი კონსტიტუციის ფარგლებშიც, აუცილებლობის შემთხვევაში, შესაძლებელია სიკვდილით დასჯაზე მორატორიუმის დაძლევა რუსეთის საკონსტიტუციო სასამართლოს სამართლებრივი პოზიციების შეცვლისას. ეს არის ჩვენი ხალხის, სახელმწიფოსა და საზოგადოების ინტერესების დაცვის საშუალებების არჩევის საკითხი“, – წერს მედვედევი.
სიახლეები
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
- " ვხედავთ ძალადობას: ოპონენტების ცემა, დაშინება, დემონსტრაციების დარბევა, რეპრესიები და სხვა სასტიკი მეთოდები, ამას არაფერი აქვს საერთო ევროპასთან"
- დღეს, აქცია-პერფორმანსი "გზავნილი ქუთაისიდან" - კი ევროპას! არა რუსულ კანონს!" გაიმართა