"თქვენი ქმედებები აღიქმება, როგორც სამოქალაქო დაპირისპირების ღია მცდელობა, რათა გამოიწვიოთ არეულობა"
ირინა სარიშვილი სოციალურ ქსელში შემდეგი შინაარსის სტატუსს აქვეყნებს:
"მივმართავ ხელისუფლებას და ტელეკომპანია "იმედს":
მინდა დავიჯერო რომ თქვენი სრულიად არაადეკვატური ქცევა ამ წუთებში, როცა თქვენი კანდიდატის გამარჯვებას ზეიმობთ, გამოწვეულია საპრეზიდენტო არჩევნების დღევანდელი შედეგებით მიღებული შოკით და ცოტა ხანში დამშვიდდებით, სტრესული მდგომარეობიდან გამოხვალთ და რეალობას თვალს გაუსწორებთ. რეალობა კი ასეთია – გრიგოლ ვაშაძემ მოიგო დღევანდელი დღე და რომ არა თქვენი ადმინისტრაციული რესურსები და კიდევ ბევრი სხვა ქმედება, არც მეორე ტურზე იქნებოდა ლაპარაკი. ეს თქვენ მშვენივრად იცით და საფუძვლიანად გეშინიათ მეორე ტურის, სადაც თქვენ წარმატების იმედი აღარ გაქვთ!
ვიმეორებ: გამოვთქვამ იმედს რომ თქვენი დღევანდელი რეაქცია არჩევნების შედეგებზე არის მძიმე შოკის შედეგი და მალე შეწყვეტთ თქვენი ამომრჩევლისთვის ცრუ იმედების მისაცემად გამართულ ზეიმს!
წინააღმდეგ შემთხვევაში თქვენი დღევანდელი ქმედებები აღიქმება როგორც სამოქალაქო დაპირისპირების ღია მცდელობა რათა გამოიწვიოთ არეულობა და საქმე არ მიიყვანოთ მეორე ტურამდე სადაც იცით რომ წააგებთ!
გონს მოეგეთ! შეჩერდით სანამ დროა და თვალი გაუსწორეთ რეალობას, რაც იავნანად მოგეჩვენებათ თუ თქვენ სამოქალაქო დაპირისპირებაზე წახვალთ! ამას არავინ არ გაპატიებთ არც თქვენ და არც მათ ვისაც ამ დაპირისპირებაში გვერდით დაიყენებთ!
გონს მოდით, დამშვიდდით! ერთი კაცის ავადმყოფურ ხუშტურს ნუ გადააყოლებთ საკუთარ თავსაც და სხვებსაც! ეს თქვენივე ინტერესებშია."- წერს ირინა სარიშვილი.
სიახლეები
- "სამარცხვინო რეზოლუციით ქართველ ხალხს გვითხრეს, გავათავისუფლოთ კრიმინალი სააკაშვილი და დასანქცირდეს ბიძინა ივანიშვილი, რომელმაც ეს ქვეყანა სიცოცხლის ფასად გადაარჩინა"
- "ჩანაწერი ვიზალიბერალიზაციაზე, რომელსაც 27-ვე სახელმწიფოს თანხმობა სჭირდება, რეზოლუციის ინიციატორი ევროპარლამენტარების მხრიდან მორიგი თაღლითობა და შანტაჟია"
- "ევროპამ უნდა აჩვენოს, რომ აშშ-ის ვასალი არ არის" - ემანუელ მაკრონი
- არასამთავრობო ორგანიზაციების წარმომადგენლები აცხადებენ, რომ ხელისუფლებასთან თანამშრომლობას აჩერებენ
- ევროპარლამენტი სააკაშვილის გათავისუფლებას, ივანიშვილის დასანქცირებას, ლგბტ პროპაგანდის წინააღმდეგ ცვლილებებისა და გამჭვირვალობის კანონპროექტის გაწვევას ითხოვს