„ტრიბუნასთან არ იდგა, მხოლოდ ქართული ოცნების ლიდერი, ტრიბუნასთან იდგა ეროვნული ლიდერი,“ - ასე შეაფასა პრემიერ-მინისტრის გუშინდელი გამოსვლა პარლამენტში თბილისი საკრებულოს ყოფილმა წევრმა ვატო შაქარიშვილმა. შაქარიშვილი ამბობს, რომ გუშინდელი პრინციპული გამოსვლით, ირაკლი ღარიბაშვილმა საზოგადოებაში გაბატონებული უიმედობისა და დაბნეულობის განცდა გაფანტა და ადამიანების იმედად მოევლინა.
ღარიბაშვილმა ამ დღეებში შეცვალა ნატოში ინტეგრაციასთან დაკავშირებული სტრატეგია. ანუ, უკვე ოფიციალური პოზიციაა, რომ ჯერ ტერიტორიული მთლიანობა უნდა აღდგეს და შემდეგ გავწევრიანდეთ ნატოში, - ამი შესახებ სოციალურ ქსელში სერგი კაპანაძე წერს.
ღარიბაშვილმა თქვა, რომ მიამიტი არ არის და ესმის, რომ ნატოში ჩვენი გაწევრიანება მხოლოდ მას შემდეგ იქნება შესაძლებელი, რაც ჩვენ გადავწყვეტთ ტერიტორიული მთლიანობის პრობლემას, - ამის შესახებ სოციალურ ქსელში პოლიტოლოგი გია ხუხაშვილი წერს.
ჰერსონისკენ მიმავალ გზაზე კიდევ ერთი მნიშვნელოვანი დასახლებული პუნქტი გაათავისუფლეს ჩვენებმა! არ მაქვს ხბოს აღტაცება, ჰერსონის დაბრუნებას სერიოზული ძალისხმევა დაჭირდება, მაგრამ როგორც კი ჩვენი ძალები მიიღებენ პირობითად და ზოგადად "ლენდ-ლიზებს", ჰერსონის კადრებს შიგნიდან ვიხილავთ, - ამის შესახებ სოციალურ ქსელში ალექსი პეტრიაშვილი წერს.
საქართველოს წინაშე არსებულ ევროპულ პერსპექტივაზე წერს სოციალურ ქსელში თავდაცვის ყოფილი მინისტრი თინა ხიდაშელი.
„თურმე სისხლის ღვრა ყოფილა ევროკავშირის კანდიდატის სტატუსის ბილეთი,“- ასე ეხმაურება ევროკომისიის გადაწყვეტილებას საქართველოსათვის კანდიდატის სტატუსის მინიჭებაზე თავის შეკავებას ეკონომისტი ანდრია გვიდიანი. ამის განცხადების საფუძველს ანალიტიკოსს, ურსულა ფონ დერ ლაიენმა მიერ უკრაინასთან დაკავშირებული განცხადება აძლევს.
