ინდოეთში ოთხი დღეა მოქალაქეობის შესახებ ახალ კანონს აპროტესტებენ. დემონსტრანტებმა ავტობუსები დაწვეს და რკინიგზის სადგურები დაარბიეს, - ამის შესახებ ინფორმაციას „როიტერსი“ ავრცელებს.
საფრანგეთის სამხრეთ-დასავლეთ ნაწილში ქარიშხლისა და წყალდიდობის შედეგად სულ მცირე ერთი ადამიანი დაიღუპა და ხუთი დაშავდა, ევაკუირებულია ასობით მოქალაქე, - ამის შესახებ ინფორმაციას „დოიჩე ველე“ ავრცელებს.
ჩრდილოეთ კორეის ინფორმაციით, მათ კიდევ ერთხელ წარმატებით განახორციელეს შორმანძილიანი რაკეტების გაშვება, თუმცა თავდაცვის ადმინისტრაციის წარმომადგენლებს არ დაუკონკრეტებიათ, რა ტიპის რაკეტებზეა საუბარი.
უკრაინული მედიის ცნობით, ქვეყნის პრეზიდენტმა, ვლადიმირ ზელენსკიმ აღიარა, რომ მან რუს კოლეგას, ვლადიმერ პუტინს, „ნორმანდიული ოთხეულის“ სამიტზე ხელი ჩამოართვა.
ევროკავშირმა რუსეთს ყირიმის ანექსიის გამო დაწესებული ეკონომიკური სანქციები 6 თვით, 2020 წლის ივლისის ბოლომდე, გაუხანგრძლივა.
ამერიკის შეერთებული შტატების პრეზიდენტი, ბრიტანეთის პრემიერ-მინისტრ, ბორის ჯონსონს არჩევნებში გამარჯვებას ულოცავს და აღნიშნავს, რომ „ბრექსითის“ შემდეგ, აშშ შეძლებს თავისუფლად გააფორმოს მასშტაბური სავაჭრო ხელშეკრულება ბრიტანეთთან.
