მოწოდებულები ვართ, თავისუფალი, გამჭვირვალე არჩევნები ჩავატაროთ - ირაკლი ღარიბაშვილი
საქართველოს პრემიერ-მინისტრმა ირაკლი ღარიბაშვილმა არჩევნებში საკუთარი პოზიცია დააფიქსირა.
მან მოუწოდა მოსახლეობას, მიიღონ დღევანდელ არჩევნებში მონაწილეობა და მისცენ ხმა.
პრემიერის განცხადებით, მან არჩევენი სტაბილური ქვეყნის სასარგებლოდ გააკეთა.
"მე მჯერა, რომ დღეს ხალხი მიიღებს მორიგ ბრძნულ გადაწყვეტილებას და ხმას მისცემს ქვეყნის სტაბილურობას.
და არა ამ ქაოსს, შფოთს, არეულობას და დაპირისპირების მცდელობას, რომელიც მომდინარეობს დესტრუქციული ოპოზიციის მხრიდან.
ეს არის ჩემი სურვილი და მე მჯერა, რომ დღეს ჩვენ ყველანი ერთად გავაკეთებთ სწორ არჩევანს.
მე მჯერა, რომ ხვალინდელი დღე იქნება უკეთესი, ვიდრე არის დღევანდელი. ჩვენ მოწოდებულები ვართ, რომ თავიოსუფალი, გამჭვირვალე არჩევნები ჩავატაროთ. მე მჯერა, რომ ჩვენს ამომრჩევლებს, ყველას მივმართო თხოვნით, რომ ყველანი მივიდეთ არჩევნებზე და დღეს დავაფიქსიროთ ჩვენი არჩევანი.
ეს არის ძალიან მნიშვნელოვანი ჩვენი მომავლისთვის, ჩვენი ოჯახებისთვის, ჩვენი შვილებისთვის და ჩვენი ქვეყნისთვის, რაც მთავარია.
ჩვენ საერთო, ეროვნული არჩევნები მოვიგეთ, 47% მოვიპოვეთ, რითაც დავასრულეთ სპეკულაციები შესაძლო რიგგარეშე არჩევნებთან დაკავშირებით, მოგეხსენებათ, რომ ოპოზიციის მთავარი სლოგანი იყო რეფერენდუმი და ეს რეფერენდუმი მათ წააგეს. ასევე წააგეს 44 მუნიციპალიტეტში.
ჩემი ღრმა რწმენით დღეს 20-ვე მუნიციპალიტეტში მოვიგებთ", - განაცხადა პრემიერმა ღარიბაშვილმა.
სიახლეები
- “აგენტების კანონის” საკომიტეტო განხილვიდან ანრი ოხანაშვილმა 7 დეპუტატი გააძევა
- ''ოპოზიციამ ხალხს მოუსმინოს და ეცადოს, რომ სწორი სამოქმედო გზა ხალხთან ერთად იპოვოს" - იაგო ხვიჩია
- "ვისაც ეჭვი ეპარება, რა ხდება ქვეყანაში, უყურეთ სხდომას, სადაც ოპოზიციონერ დეპუტატებს კითხვის დასმის შესაძლებლობას არ აძლევენ - „ოცნება“ ატყუებს იმ ხალხს, ვისაც დღეს ე.წ სახალხო შეკრებაზე მოერეკება" - სალომე სამადაშვილი
- სამარხვო პიცა
- "ჩემი აზრით, საიამ უნდა თქვას, რომ დიახ, ამერიკული ძალა მაფინანსებდა და ამერიკული და ევროპული ძალის ინტერესი იყო, საქართველოს სტრასბურგში სრულყოფილი სარჩელი წარედგინა - ამაში სასირცხვილო არაფერია! " - მამუკა მდინარაძე