მე მივეცი ხმა პრეზიდენტობის კანდიდატს, რომელიც იქნება ყველას პრეზიდენტი, - ამის შესახებ საქართველოს პრეზიდენტმა გიორგი მარგველაშვილმა საარჩევნო უბანზე ხმის მიცემის შემდეგ ჟურნალისტებს განუცხადა.
მარნეულში, სოფელ იმირში, 59-ე უბანზე, ,,ნაციონალური მოძრაობისა" და ,,ქართული ოცნების" წევრები ერთმანეთს ფიზიკურად დაუპირისპირდნენ. აღნიშნულ ინფორმაციას ორგანიზაცია „ახალგაზრდები ევროპული მომავლისთვის“ ავრცელებს.
12:00 საათის მდგომარეობით, ამომრჩეველთა აქტივობამ 15,95% შეადგინა, - ამის შესახებ ცენტრალური საარჩევნო კომისიის სპიკერმა ანა მიქელაძემ განაცხადა.
მინდა მივმართო „ქართულ ოცნებას", ხელი აიღეთ კარუსელებისგან, რომელსაც ატრიალებთ, - ამის შესახებ „ძალა ერთობაშიას“ ერთ-ერთმა ლიდერმა გიორგი ვაშაძემ ბრიფინგზე განაცხადა.
პარტია „ქართული ოცნების“ თავმჯდომარის, ბიძინა ივანიშვილის განცხადებით, არჩევნების მეორე ტურის ალბათობა ძალიან დაბალია, თუმცა ალბათობა არის.
საქართველოს კათოლიკოს-პატრიარქმა საკუთარი არჩევანი გააკეთა. ილია მეორე კოტე აფხაზის ქუჩაზე მდებარე ერთ-ერთ საარჩევნო უბანზე რამდენიმე წუთის წინ მივიდა.
