დავით გარეჯის ლავრაში მიტროპოლიტ იობის მწვავე ქადაგების შემდეგ ქორეპისკოპოსი იაკობი მხარეებს თავშეკავებისკენ მოუწოდებს. ის მხარეებს მიმართავს, რომ ნუ გააკეთებენ მწვავე განცხადებებს. ქორეპისკოპოსი იაკობი, ნაწილობრივ, გაემიჯნა მეუფე იობის სკანდალურ ქადაგებას.
მეუფე იაკობი უახლეს დღეებში ხელისუფლების წარმომადგენლებთან შეხვედრას და თავისი პოზიციის დაფიქსირებას აპირებს. ის აზერბაიჯანის ხელისუფლების წარმომადგენლებთან შეხვედრასაც გეგმავს.
მეუფე იაკობის თქმით, მნიშვნელოვანია, რომ კომისია იმ ადამიანებით დაკომპლექტდეს, რომელსაც საზოგადოების ნდობა ექნება. თავად მეუფე იაკობი ამბობს, რომ ის ყველას არ ენდობა.
„რაც არ მომისმენია, რა გითხრათ, არ მომისმენია. მე გასაგებად ვთქვი, რომ აგრესია არ უნდა გვქონდეს მეზობელ სახელმწიფოსთან. ისინი თავის საქმეს აკეთებენ, ჩვენ ჩვენი საქმე გვაქვს. უნდა ცივილიზებულად გავარკვიოთ საზღვრის საკითხი. ჩემი აზრი მასეა. გუშინ ღვინის გადაღების ფესტივალი მქონდა და ღვინო გადავიღე, მაგდენი არ ვიცი. თქვენ მონი, ხედავთ, მუფთებთან, შეიხებთან როგორი ურთიერთობები გვაქვს.
"კომისია სულ იყო, 28 წლის მანძილზე იყო, მაგრამ, ალბათ, ისეთი ხალხი უნდა იყოს კომისიაში, ნდობა ჰქონდეთ ხალხის. ჩვენი მხარე ვერ მუშაობდა ისე, როგორც საჭირო იყო. ეს წლების მანძილზე გრძელდებოდა. არ არის ეს ამ ხელისუფლების პრობლემა, ყველა ხელისუფლებას პრობლემა ჰქონდა მაგასთან. მთავარია, უნდა ვნახოთ კომისიაში ჩვენთვის სანდო ხალხი იყოს. მე, მაგალითად, ყველას არ ვენდობი, ალბათ, გამოჩნდება. ვიტყვი, თუ ისეთი ადამიანები შევიდნენ, ვისი სანდოობაც არ შეიძლება, სხვისთვის შეიძლება სანდო იყოს, მაგრამ მე მაქვს მყარი მოსაზრებები, რატომ არ შეიძლება ზოგიერთის იქ ყოფნა,“ - განაცხადა მეუფე იაკობმა.
შეგახსენებთ, რომ მწვავე ქადაგებით მეუფე იობმა მრევლს დავით გარეჯის აღდგომის ტაძარიდან მიმართა. მეექვსე საუკუნის ტაძრის ამბიონიდან მიმართვის დროს მეუფე იობმა პირდაპირ თქვა, რომ ქვეყანა რელიგიური კონფლიქტის ზღვარზეა.
http://rustavi2.ge
სოფელ ჯოყოლოში სათემო კრება იმართება, რომელსაც პანკისის ხეობის მოსახლეობა ესწრება. სათემო კრების მთავარი განსახილველი საკითხი ხეობაში ჰესების მშენებლობაა. კრებაზე შემუშავდება სამოქმედო გეგმა ჰესის მშენებლობის შეწყვეტასთან დაკავშირებით.
ადგილობრივების თქმით, ისინი არ დაუშევებ ხეობაში ჰესის მშენებლობას და არც აქციის მონაწილეების დაკავებას. მათივე პოზიციით, თუ პოლიცია ვინმეს დააკავებს, ისინი ჩავლენ სამმართველოში და თავადაც ჩაბარდებიან.
"შერჩევა როგორ უნდა იყოს, აზრზე არ ვარ. ამოდენა ხალხი, ერთმა თუ ისროლა ქვა, ამ ხეობის ნასროლია, გუნდური ნასროლია, მთელი პანკისი აგებს პასუხს და ამისთვის ჩვენ მზად ვართ. ეს იყო პანკისის ხეობაზე, როგორც წყნარ კუთხეზე, სადამსჯელო ოპერაცია ჩატარებული ძალოვანი უწყების მხრიდან", — განაცხადა ადგილობრივმა ემზარ ტოხოსაშვილმა.
სოფელ დუისის მკვიდრმა, თამაზ ბაღაკაშვილმა სთხოვა მედიის წარმომადგენლებს, რომ დატოვონ სათემო კრება და თემის წევრებს ერთმანეთთან თავისუფლად საუბრის საშუალება მისცენ.
"დიალოგის მომხრეები ვართ, აბა ომი აქ ვის უნდა?!", — განაცხადა თამაზ ბაღაკაშვილმა.
დაპირისპირება პანკისი ხეობაში
21 აპრილის დილას პანკისის ხეობაში, სოფელ ბირკიანში აქციის მონაწილეებსა და პოლიციას შორის დაპირისპირება მოხდა. ადგილობრივებმა მდინარე ალაზანზე მშენებარე ჰესზე ტექნიკის შესვლა გააპროტესტეს, რასაც იქ მობილიზებულ პოლიციასთან დაპირისპირება მოყვა. როგორც შინაგან საქმეთა სამინისტროში განმარტეს, დილას სოფელში პოლიცია ეკონომიკის სამინისტროს მიმართვის საფუძველზე შეიყვანეს, სპეცდანიშნულების რაზმები კი დაპირისპირების გამო დაამატეს.
ჰესების საკითხზე სალაპარაკოდ თელავში მთავრობისა და ადგილორივების წარმომადგენლებს შორის შეხვედრა გაიმართა, თუმცა პარალელურად პანკისში ვითარება დაიძაბა. სპეცრაზმმა აქციის მონაწილეების წინააღმდეგ ორჯერ ცრემლსადენი გაზი და რეზინის ტყვიები გამოიყენა. ადგილობრივებმა კი პოლიციას ქვები და ხელკეტები დაუშინეს. შსს-ს განცახდებით, შედეგად დაშავდა 55 ადამიანი, მათ შორის 38 სამართალდამცავი.
რამდენიმე საათში შემთხვევის ადგილას მთავრობის წარმომადგენლები ჩავიდნენ. შინაგან საქმეთა მინისტრმა, გიორგი გახარიამ თემის უხუცესებთან შეხვედრის შემდეგ განაცხადა, რომ ჰესი მანამ არ აშენდება, სანამ მოსახლეობის 90%-ს არ ექნება ამის სურვილი.
მთავრობის ადმინისტრაციამ დაპირისპირების შემდეგ განცხადება გაავრცელა, რომელშიც ჰესების სარგებლიანობაზე ისაუბრეს. მათი თქმით, საჭირო იყო ამ ინფორმაციის ადგილობრივებისთვის მიწოდება.
თელავში ახალგაზრდა დაჭრეს.
ბიძინა ივანიშვილის ღია წერილს, რომელსაც მმართველი პარტიის თავმჯდომარე 1989 წლის 9 აპრილს უძღვნის, ანალიტიკოსები, ჟურნალისტები და პოლიტიკოსები ეხმაურებიან.
