"ომიკრონი" 2-3-ჯერ ნაკლებ სიკვდილიანობას იწვევს, მაგრამ თუ ინფიცირების შემთხვევები 5-ჯერ მეტი გვექნება, მაშინ ჯამური სიკვდილიანობა გაიზრდება"
ინფექციური საავადმყოფოს დირექტორის, თენგიზ ცერცვაძის განცხადებით, თუკი, „ომიკრონის“ შემთხვევები მოიმატებს, სიკვდილიანობაც გაიზრდება.
როგორც ცერცვაძე განმარტავს, მიუხედავად იმისა, რომ ახალი შტამი ნაკლებად მძიმე დაავადებებს იწვევს, ეს სიკვდილიანობას არ ამცირებს.
„ძალიან მძიმე ვითარებაა, მაგრამ ეს იყო პროგნოზირებადი, რამდენიმე ხნით ადრე ექსპერტები ზუსტად ასეთ პროგნოზს აკეთებდნენ, ერთი ერთში ემთხვევა იმას, რაც ახლა ხდება, რომ გაორმაგდებოდა, გასამმაგდებოდა შემთხვევების რაოდენობა, ასე მოხდა მთელ მსოფლიოში. ჩვენთან შედარებით, ჯერჯერობით ვირუსის გავრცელება ზომიერია, ვიდრე ევროპისა და ამერიკის ქვეყნებში, ზუსტად ასევეა სიკვდილიანობაც. მართალია "ომიკრონი" ნაკლებად მძიმე დაავადებებს იწვევს, მაგრამ არც ისე ნაკლებად, რომ სიკვდილიანობა შემცირდეს. 2-ჯერ და 3-ჯერ ნაკლებ სიკვდილიანობას იწვევს "ომიკრონი", მაგრამ თუ შემთხვევები 5-ჯერ მეტი გვექნება, მაშინ ჯამური სიკვდილიანობა გაიზრდება,"- განაცხადა „რუსთავი2“-თან საუბარში ცერცვაძემ.
შეგახსენებთ, რომ დღეს საქართველოში კორონავირუსით ინფიცირების 11 039 ახალი შემთხვევა დაფიქსირდა, გარდაიცვალა კიდევ 42 პაციენტი.
სიახლეები
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"
- "ამოცანა გვეკითხება: რამდენი ადამიანი ეტევა 9 ათას კვადრატულზე? - აბა, მარტივი IQ ტესტი" - ნინო წილოსანი