ომიკრონი სმენას აქვეითებს - რას ამბობს ექიმი
ნეიროოტოლოგი, პროფესორი ეკა ხარხელი მარი მალაზონიას გადაცემასთან საუბრისას ომიკრონის შესახებ ახალ და საინტერესო ინფორმაციას უზიარებს მაყურებელს და აღნიშნავს:
„თავბრუსხვევა, ვერტიგო, რომელიც 28%-ს იკავებს და დამახასიათებელია ომიკრონის დროს, ამ პანდემიისთვის დამახასიათებელი ერთ-ერთი ყველაზე დიდი ჩივილი. ეს დარღვევები შეიძლება გამოვლინდეს მწვავე პერიოდში, პოსტ კოვიდურ პერიოდში, მათ შორის, გრძელი კოვიდის, 12 კვირის შემდეგაც. ეს შეიძლება იყოს სხვადასხვა სახის: ჭეშმარიტი თავბრუსხვევა, რომელიც არის მოძრაობის ილუზია, კიდევ არის სივრცეში დეზორიენტაცია და გაბრუება, ასევე დისბალანსი, როდესაც ვკარგავთ წონასწორობას და არის კიდევ შემთხვევა, როდესაც გვაქვს გარშემო საგნების რყევის შეგრძნება. კოვიდინფექციასთან დაკავშირებით კიდევ იმის თქმა შეიძლება, რომ ჩვენი თუ ჩვენი უცხოელი კოლეგების დაკვირვებით, აუდიო ვესტიბულარული დარღვევების აბსოლუტური მაჩვენებელი დიდად არ შეცვლილა, მაგრამ გამოიკვეთა გარკვეული ტენდენციები კოვიდით გამოწვეულ პათოლოგიებს შორის: აუდიო ვესტიბულარული დარღვევებს შორის ძირითადად ხდება სენსონევრალური სმენის დაქვეითება, ასევე ტინიტუსი, იზოლირებული ან სმენის დაზიანებასთან ასოცირებული და თავბრუსხვევა, რომელიც შეიძლება შეგვხვდეს სხვადასხვა სახით. საერთოდ, ვესტიბულარული დარღვევებიდან გამოიკვეთა კეთილთვისებიანი პაროქსიზმული პოზიციური თავბრუსხვევა, ფსიქოგენური თავბრუსხვევა (პოზის ცვლილებასთან დაკავშირებული აღქმითი ფენომენი), ვასკულური გენეზის თავბრუსხვევები. ეს ვირუსი ამ მხრივაც არის ვერაგი…“
სიახლეები
- "საქართველოში 2024 წელს დაფიქსირდა მაღალი ეკონომიკური ზრდა, 9.4 პროცენტი, 2025-2026 წლებში მოსალოდნელია ზრდის შენელება" - ევროკომისიის ანგარიში
- უცხოური ვალუტის ოფიციალური კურსი 20 მაისისთვის
- " პუტინისა და ზელენსკის შეხვედრა რუსეთისა და უკრაინის დელეგაციებს შორის გარკვეული შეთანხმებების მიღწევის შემთხვევაშია შესაძლებელი"
- "თვითონ ყველაზე მეტად სტკივა გული ქართველი ადამიანის წინააღმდეგ ძალადობაზე, თვითონ ყველაზე მეტად უყვარს ქართველი ახალგაზრდები" - ცოტნე ივანიშვილი ბიძინა ივანიშვილზე
- "ეს არის შეხსენება ყველასთვის, რომ ქართველი ხალხი მუდამ იდგება საკუთარ ღირებულებებზე, რომლებიც ჭეშმარიტად ქართული, ევროპული და ქრისტიანულია"