ქუთაისში, კინგსის ოლიმპიადაში გამარჯვებული მოსწავლეები დააჯილდოვეს
ქუთაისში, აღმოსავლეთ ევროპის უნივერსიტეტის მიერ ორგანიზებული, კინგსის ოლიმპიადაში გამარჯვებული მოსწავლეები დააჯილდოვეს.
ღონისძიებას ქუთაისის მერი იოსებ ხახალეიშვილი და სახელმწიფო რწმუნებული იმერეთის მხარეში ზვიად შალამბერიძე დაესწრნენ.
კინგსი განათლების სფეროში 2012 წლიდან მოღვაწეობს და არის საგანმანათლებლო ორგანიზაცია, რომელიც სასკოლო საგნობრივ ოლიმპიადას მთელი ქვეყნის მასშტაბით ატარებს. ამჯერად ქუთაისში, იმერეთის სკოლის მოსწავლეთა დაჯილდოების ცერემონიალი გაიმართა.
პირველი ადგილი ჭიათურელ მოსწავლეს ბექა ბარათაშვილს ერგო, ხოლო მეორე და მესამე ადგილზე ქუთაისელები ლუკა ლიკლიკაძე და ნინო ჯვარშეიშვილი გავიდნენ. ქუთაისელ მოსწავლეებს ქალაქის მერის იოსებ ხახალეიშვილის გადაწყვეტილებით დამატებით ფულადი პრიზებიც გადაეცემათ.
ოლიმპიადა სკოლის მოსწავლეთა შორის სამ საგანში- მათემატიკაში, ინგლისურსა და ქართულ ენაში გაიმართა.
სიახლეები
- კორუფცია თუ არშემდგარი “რევოლუციის” მხარდაჭერა - ყოფილ მაღალჩინოსნების ჩხრეკის შემდეგ ჯერ არავინ დაუკავებიათ
- უცხოური ვალუტის ოფიციალური კურსი 21 ოქტომბრისთვის
- "2009 წელს, ჩვენს წინააღმდეგ აქციებს ივანიშვილი აფინანსებდა" - მიხეილ სააკაშვილი
- კრემლში აცხადებენ, რომ საქართველოს კომპენსაციას არ გადაუხდიან - “ეს მილიონები არსად არ გაქრება, რუსეთს მისი გადახდა მოუწევს”
- სუს-ის ანტიკორუფციულმა სააგენტომ თბილისში, ქუთაისსა და ბათუმში ყალბი სამედიცინო მოწმობის დამზადებისა და კომერციულ მოსყიდვაში დახმარების ფაქტებზე სამი პირი დააკავა
