ქუთაისში 2008 წლის ომში დაღუპული გმირების ხსოვნას მიაგეს პატივი
ქუთაისში 2008 წლის ომში დაღუპული გმირების ხსოვნას მიაგეს პატივი.
ქუთაისის მერმა იოსებ ხახალეიშვილმა, იმერეთში სახელმწიფო რწმუნებულმა ზვიად შალამბერიძემ, პარლამენტარმა ზაზა ლომინაძემ, საკრებულოს თავმჯდომარემ ირაკლი შენგელიამ აგვისტოს ომში გარდაცვლილი გმირების მემორიალი ყვავილებით შეამკეს.
მემორიალთან იმყოფებოდნენ გარდაცვლილი ჯარისკაცების ოჯახის წევრები, საზოგადოებისა და ადგილობრივი ხელისუფლების წარმომადგენლები.
„14 წელი გავიდა აგვისტოს ომიდან. უმძიმესი დღეები იყო საქართველოს უახლეს ისტორიაში. ამ ომს ჰყავს თავის გმირები - ჩვენი სამხედროები და მშვიდობიანი მოსახლეობა, რომელთა ხსოვნას დღეს კიდევ ერთხელ მივაგეთ პატივი.
2008 წლის რუსეთ-საქართველოს ომმა ცხადყო, რომ ჩვენი ქვეყნის გაერთიანების, გაძლიერებისა და განვითარების უალტერნატივო გზა მშვიდობაა.
ჩვენ აუცილებლად ვიცხოვრებთ ერთიან, ძლიერ და მშვიდობიან საქართველოში!“- განაცხადა იოსებ ხახალეიშვილმა.
ქუთაისის მერიამ ცხრავე ოჯახს, რომლებმაც ომში ოჯახის წევრები დაკარგეს, 1500 ლარი ჩაურიცხა.
რუსეთის მიერ საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნის პატივსაგებად საქართველოს მთელ ტერიტორიაზე სახელმწიფო დროშები დაშვებულია.
სიახლეები
- "ვის წარადგენენ ხაზარაძე და გახარია თბილისის მერობის კანდიდატად?!" - პაატა ზაქარეიშვილი
- "გაისად, 1700 წელი სრულდება ქრისტიანობის სახელმწიფო რელიგიად გამოცხადებიდან - განსაკუთრებით ვემზადებით აღსანიშნად" - მეუფე შიო
- მაკიაჟი ზაფხულისთვის: როგორ გამოიყურებოდეთ შეუდარებლად სანაპიროზე?
- "რეჟიმი თქვენ წინაშე გაშიშვლდა" - სალომე ზურაბიშვილი მზია ამაღლობელს და ნინო დათაშვილს
- "ლელო" თაღლითების პარტიაა, „თაღლითების პარტიის" წევრობა და მხარდაჭერა კი თაღლითობაში თანამონაწილეობაა" - შალვა პაპუაშვილი
