ქუთაისი არაბეთის გაერთიანებული საემიროდან ჩამოსულ 100 საერთაშორისო მედიაწარმომადგენელს, ბლოგერსა და ინფლუენსერს უმასპინძლებს

უპრეცენდენტო პროექტი „GET LOST WIZZAIR“ იმერეთში.

26-28 აგვისტოს ქუთაისი არაბეთის გაერთიანებული საემიროდან ჩამოსულ 100 საერთაშორისო მედიაწარმომადგენელს, ბლოგერსა და ინფლუენსერს (მეწყვილეებთან ერთად) უმასპინძლებს, რომლებიც რეგიონის ღირშესანიშნაობებს, დაცულ ტერიტორიებს, კულტურული მემკვიდრეობის ძეგლებს, იმერულ მარნებსა და გასტრო სახლებს ესტუმრენიან.

 

„GET LOST WIZZAIR“ – „დაიკარგე Wizz air-თან ერთად“ ავიაკომპანიის უკვე აპრობირებული პროექტი ითვალისწინებს ინფო-ტურს, რომლის მონაწილეები გამომგზავრების დასაწყისში არ ფლობენ ინფორმაციას მათი მოგზაურობის დანიშნულების ადგილის შესახებ და პროექტის გამარჯვებულ ქალაქში (ქვეყანაში) მათი ჩასვლა არის სიურპრიზი.

 

ქუთაისი ამ პროექტში იმერეთის დანიშნულების ადგილის მართვის ორგანიზაციისა - DMO იმერეთისა და ევროპის ყველაზე სწრაფადმზარდი და დაბალბიუჯეტიანი ავიაკომპანიის Wizz Air-ის, კერძოდ კი მისი შვილობილი კომპანიის Wizz air abu dhabi-ს თანამშრომლობის შედეგად ჩაერთო, კონკურენცია გაუწია ევროპის მოწინავე ქალაქებს და მოიპოვა კიდეც პროექტის განხორციელების უფლება.

 

როგორც ცნობილია, 600 მდე მსურველიდან შერჩული იქნა 100 ადამიანი, რომლებიც თავის მეწყვილეებთან ერთად სამი დღის განმავლობაში იმერეთის სტუმრები იქნებიან.

 

301160521 763626924946794 3527252274999288957 n

 

ვიზიტისათვის ქუთაისის მუნიციპალიტეტის მერიის ფინანსური მხარდაჭერითა და თანაორგანიზატორობით DMO იმერეთის მიერ შემუშავდა სპეციალური სამდღიანი პროგრამა (იხილეთ დანართი). რომელიც ითვალისწინებს მოკლე დროში მაქსიმალურად გახდეს შესაძლებელი სტუმრებისათვის იმერული განწყობის შექმნა.

 

აღსანიშნავია, რომ მსგავსი მასშტაბური ინფო-ტური პირველად ხორციელდება საქართველოში. პროექტის მიზანია რეგიონის პოპულარიზაცია ახლო აღმოსავლეთის ქვეყნებში. იმერეთის შესახებ სხვადასხვა ვიდეორგოლების გადაღება, რომელიც ინფორმაციასთან ერთად განთავსდება საერთაშორისო მედია პლატფორმებზე, გაზიარებული იქნება შერჩეული აპლიკანტების სოციალურ ქსელებში, რომელთა ჯამური გამომწერების რაოდენობა დაახლოებით 30 მილიონი ადამიანია.

 

ურთიერთთანამშრომლობისა და კოორდინირებული მუშაობის შედეგად პროექტში პარტნიორი ორგანიზაციების სტატუსით ჩართულები არიან #ტურიზმისეროვნულიადმინისტრაცია, #საქართველოსაეროპორტებისგაერთიანება, #ქუთაისისსაერთაშორისოუნივერსიტეტი, #საქართველოსდაცულიტერიტორიებისსააგენტო, #ვანისარქეოლოგიურიმუზეუმი,
#ქუთაისისმერიისფოლკლორისცენტრისსიმღერისადაცეკვისსახელმწიფოანსამბლი.

 

ეს ზედმიწევნით კრეატიული, კარგად ნაფიქრი, თანამედროვე სტანდარტების პროექტი ზუსტად არის გათვლილი მოულოდნელობის ეფექტსა და მოგზაურობის მოყვარულთა ემოციებზე და იგი DMO იმერეთის მიერ შემუშვებულ პროგრამასთან ერთად, ახლო აღმოსავლეთში იმერეთის რეგიონის შესახებ ცნობადობის ამაღლებას კიდევ უფრო შეუწყობს ხელს.

წაკითხვა 238 ჯერ განახლდა განახლდა აგვისტო 26 2022
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.