ორგანიზაცია ტრენერთა ტრენინგს პროექტის "MERIT-ME Migrants Empowerment and Reintegration through Training, Mentoring and Engagement" ფარგლებში ახორციელებს.

პროექტი მიზნად ისახავს სამეგრელო, გურიასა და იმერეთში დროებით შრომით მიგრაციაში ჩართული პირების უნარების გაძლიერებასა და რეინტეგრაციის ხელშეწყობას.

ტრენინგი განკუთვნილია ადგილობრივი მუნიციპალური სტრუქტურების წარმომადგენლების, თემის ლიდერებისა და სათემო ორგანიზაციების წარმომადგენლებისთვის, რომელთაც აქტიური შეხება აქვთ თურქეთსა და მეზობელ ქვეყნებში დროებით შრომით მიგრაციაში ჩართულ ახალგაზრდებთან და ქალებთან.

"ტრენინგის ფარგლებში მონაწილეებმა გაიძლიერეს უნარები განათლების, დასაქმების და მეწარმეობის ხელშეწყობის კუთხით შრომითი მიგრანტებში, ასევე, დაეუფლნენ ტრენინგის დიზაინისა და ჩატარების უნარებს. ტრენერთა ტრენერები კონკურსის წესით სხვადასხვა რეგიონიდან შევარჩიეთ "- განაცხადა FirstNews.ge-თან საუბარში ტრენერმა და მენტორმა სალომე იობაძემ.

დღევანდელი შეხვედრის შესახებ, უფრო ვრცლად ერთ-ერთი საფინანსო ორგანიზაციის მმართველმა, მედეა ჩუხუამ ისაუბრა:

"მაქვს ტრენერობის გამოცდილება, მაგრამ დღევანდელი ტრენინგი ძალიან მნიშვნელოვანია ადამიანების სოციუმის განვითარებისათვის. განსაკუთრებით ემიგრაციაში მყოფი ქალებისთვის, რაზეც ძალიან ბევრი ვისაუბრეთ.

ძალიან მომეწონა ის, რომ ტრენინგი აბსოლუტურად მარტივ ენაზე იყო შედგენილი, რაც დამსწრეთათვის გასაგები იყო.

მჯერა და მაქვს იმედი, რომ ჩემი დროის ნაწილს დავუთმობ იმას, რომ შემდგომ ეტაპზე მეც ჩავერთო ტრენინგში,რათა გამოვხატო ჩემი მხარდაჭერა ემიგრაციაში მცხოვრები ქალებისადმი,"- განაცხადა ჩვენთან საუბარში მედეა ჩუხუამ.