საგარეჯოს მუნიციპალიტეტის სოფლებში სტიქიისგან მიყენებულ ზარალს ითვლიან
საგარეჯოს მუნიციპალიტეტის სოფლებში – პატარძეულში, გიორგიწმინდაში, ნინოწმინდასა და წყაროსთავში სტიქიის შედეგებს დილიდან ითვლიან.
გუშინ მოსულმა სეტყვამ და უხვმა ნალექმა შიდასაუბნო გზები დააზიანა, სეტყვამ საკარმიდამო ნაკვეთები და ერთწლიანი ბოსტნეული კულტურები დააზიანა. დაზარალებულ სოფლებში მუნიციპალიტეტის მერი გიორგი ერბოწონაშვილი ჩავიდა და არსებულ პრობლემებს გაეცნო.
„ვენახებისა და ყურძნის მოსავლის დაზიანების შესახებ ინფორმაცია ამ დრომდე არ შემოსულა. მერიის შესაბამისი სამსახური დილიდან გასულია და ზარალის აღრიცხვას აწარმოებს“, – განაცხადა გიორგი ერბოწონაშვილმა.
სტიქიის შედეგად დაზიანდა მაღალი ძაბვის ელექტროგადამცემი სადენები, რის გამოც ელექტროენერგიის გარეშე დარჩენილია ოთხიათასამდე აბონენტი, მიმდინარეობს აღდგენითი სამუშაოები.
სიახლეები
- "დალაგებული არცერთი არაა, ნახეთ, რა დღეში არიან, გინდ ქალი, გინდ კაცი" - კახა კალაძე
- "უკრაინაში აცხადებენ, რომ ქვეყანას რამდენიმე თვეში ატომური ბომბის შექმნა შეუძლია, თუ დონალდ ტრამპი სამხედრო დახმარებაზე უარს იტყვის" - „თაიმსი“
- უცხოური ვალუტის ოფიციალური კურსი 15 ნოემბრისთვის
- ქუთაისის მუნიციპალიტეტში ადგილობრივი თვითმმართველობის წარმომადგენლები ინფრასტრუქტურული პროექტების მონიტორინგს აგრძელებენ
- რას ნიშნავს, როცა ევროპას “არ სცალია”? - საქართველოზე ერთი კვირის შემდეგ ბრიუსელში იმსჯელებენ
