გარდაცვლილი სინოდის ყოფილი წევრის, ქრისტეფორე წამალაიძის შვილია.

შს სამინისტროს ინფორმაციით, ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

უწყების ინფორმაციით, ცხედარს ამ წუთებში ექსპერტიზა უტარდება.

გარდაცვლილის მამა, ქრისტეფორე წამალაიძე, ქართული ეკლესიიდან განკვეთილი სასულიერო პირია. მას სინოდთან დაპირისპირების გამო, 1995 წელს მღვდელმსახურების უფლება აეკრძალა და  წმინდა სინოდიდან გარიცხეს.

ქრისტეფორე წამალაიძის გვარმა ბოლოს მეუფე ზოსიმეს წინააღმდეგ წაყენებულ  ბრალდებებზე გაიჟღერა. ყოფილი სასულიერო პირი, მამა ზოსიმეს წინააღმდეგ აგორებულ სკანდალში დაადანაშაულეს.

ქრისტეფორე წამალაიძე სინოდის წევრების მხრიდან მუქარაზე საუბრობს და აცხადებს, რომ ასეთი დამთხვევები არ არსებობს და მას ხმაურიანი განცხადებების გამო მღვდელმთავრები ემუქრებოდნენ.

“ჩვეულებრივად იყო, კვირას ჩვენთან ჩავატარეთ წირვა, მერე გავიდა ზიარებაზე. დილით 7ის ნახევარი იქნებოდა ოთახიდან ტუალეტში რომ გავიდა, ჩაიკეცა, სანამ სასწრაფო მოვიდა, გარდაიცვალა.

ჩვენ წინააღმდეგ დიდიხანია ბრძოლა დაწყებულია, ეკლესიის მსახურები და სინოდის წევრები არ ისვენებენ წლებია და ჩვენ გვემუქრება ეკლესია და სინოდის წევრები,” – აღნიშნა ეპისკოპოსი.