ამსტერდამში ფეხბურთის ისრაელელ გულშემატკივრებს თავს დაესხნენ
ისრაელის ფეხბურთის გუნდის გულშემატკივრებს ამსტერდამში თავს დაესხნენ, რის შედეგადაც 10 ადამიანი დაშავდა, - ინფორმაციას CNN-ი ისრაელის ხელისუფლებაზე დაყრდნობით ავრცელებს.
ტელეკომპანიის ცნობით, თელ-ავივის „მაკაბის“ საფეხბურთო გუნდის ასობით გულშემატკივარს თავს მაშინ დაესხსნენ, როდესაც ისინი ნიდერლანდის „აიაქსის“ წინააღმდეგ გამართული მატჩის შემდეგ სტადიონს ტოვებდნენ.
ისრაელის საგარეო საქმეთა მინისტრმა, გედეონ საარმა განაცხადა, რომ დაშავდა 10 მოქალაქე და მან ამსტერდამში მყოფ ისრაელელებს სასტუმროებში დარჩენა ურჩია. ისრაელის საგარეო საქმეთა სამინისტროს ცნობით, ამ დროისთვის დაახლოებით 30 ადამიანია დაკავებული. უწყებას არ დაუკონკრეტებია როდის მოხდა დაკავება, ან ვინ დააკავეს. ამასთან, ისრაელის მთავრობაში აცხადებენ, რომ დაზარალებული მოქალაქეების ევაკუაციისთვის ნიდერლანდებში ორ თვითმფრინავს აგზავნიან. ისრაელის პრემიერ-მინისტრმა, ბენიამინ ნეთანიაჰუმ განცხადება გაავრცელა, რომელშიც აღნიშნულია, რომ გასცა განკარგულება, დაუყოვნებლივ გაიგზავნოს ორი სამაშველო თვითმფრინავი ისრაელის მოქალაქეების დასახმარებლად. მან ნიდერლანდების ხელისუფლებას მოუწოდა, მტკიცედ და სწრაფად იმოქმედონ არეულობის წინააღმდეგ და უზრუნველყონ ისრაელის მოქალაქეების მშვიდობა.
სიახლეები
- უკრაინელებს საქართველოში უვიზოდ ყოფნის ვადა სამი წლიდან ერთ წლამდე უმცირდებათ
- ,,ტრამპის ხელისუფლებაში მოსვლიდან გასულია 74 დღე და არათუ არაფერი არ შეცვლილა „ქართული ოცნების“ ბოროტმოქმედი, სამარცხვინო, რუსულ-ჩინურ-ირანული რეჟიმის სასიკეთოდ, პირიქით, წნეხი იზრდება"- გრიგოლ გეგელია
- მოლაპარაკებებისკენ მოწოდება - მსოფლიო ტრამპის ტარიფებზე რეაგირებს
- ,,როგორც აქ მოსმენილი ფაქტებით ირკვევა, ბატონი მამუკა და „თიბისი“ ბანკი „ნაციონალური მოძრაობის“ დროს გარკვეული ტიპის ხელის ბიჭები იყვნენ"- თეა წულუკიანი
- შინაგან საქმეთა სამინისტრომ სამი ნარკორეალიზატორი დააკავა
