2019 წელს საქართველო პარიზის წიგნის ბაზრობაზე საპატიო სტუმარი იქნება
2019 წელს საქართველო პარიზის წიგნის ბაზრობაზე საპატიო სტუმარი ქვეყანა იქნება, - ამის შესახებ წიგნის ეროვნული ცენტრის დირექტორმა მედეა მეტრეველმა გადაცემაში „პირისპირ“ განაცხადა.
მისი განცხადებით, ფრანკფურტის წიგნის ბაზრობა ამ მხრივ წარმატებული გამოცდილება იყო. „ანბანით მოთხრობილი ამბავი“ მილიარდ მომხმარებლამდე მივიდა და მას 35 მილიონი ევროს ღირებულების გაშუქება ჰქონდა მხოლოდ ბეჭდურ და ონლაინ მედიაში, რაშიც საქართველოს ერთი თეთრიც არ გადაუხდია.
„საქართველომ ჩაატარა ყველაზე დიდი კულტურული ღონისძიება საზღვრებს გარეთ უკანასკნელი წლების განმავლობაში: 450-ზე მეტი ღონისძიება ჩატარდა 40-მდე გერმანულენოვან ქალაქში, 70-ზე მეტმა მწერალმა იმოგზაურა სხვადასხვა ქალაქში, გამოიცა ძალიან ბევრი წიგნი“, - განმარტა მედეა მეტრეველმა.
საქართველოს საპატიო სტუმარი ქვეყნის პროექტი ფრანკფურტის წიგნის ბაზრობაზე 9-14 ოქტომბერს ქართული წიგნის ეროვნული ცენტრისა და საქართველოს განათლების, მეცნიერების, კულტურისა და სპორტის სამინისტროს ორგანიზებით განხორციელდა.
წყარო : imedinews.ge
სიახლეები
- თბილისის პოლიციამ განსაკუთრებით დიდი ოდენობით ნარკოტიკი ამოიღო
- “სვანეთს ქალი მოსტაცეს ეს არის იმ ღირებულების ხელყოფა, რაზეც ქართველი კაცის ღირსება დგას” - თეა წულუკიანი
- სან-დიეგოში ჩამოვარდა მცირე ზომის თვითმფრინავი, რომელშიც 6 ადამიანი იმყოფებოდა
- “ვინც არ უნდა იყოს ხელისუფლებაში, თუ კანონსაწინააღმდეგო ქმედებას ჩაიდენს, სახელმწიფო ვალდებულია რეაგირება მოახდინოს, სხვანაირად გამორიცხულია, მაშინ სახელმწიფო არ ხარ” - მიხეილ ყაველაშვილი
- ტრამპის ადმინისტრაციამ ჰარვარდის უნივერსიტეტს საერთაშორისო სტუდენტების ჩარიცხვის უფლება შეუწყვიტა
