ამიერკავკასია შეიძლება მეორე ბალტიისპირეთად იქცეს" - რას წერს რუსული გამოცემა?
- რეჯეფ ერდოღანს განზრახული აქვს მომავალშიც გააფართოვოს თავისი გავლენა კავკასიაში და ამით ყოველ საჭირო
მომენტში ისარგებლებს, - დარწმუნებულია რუსეთის სტრატეგიული განვითარების ფონდის ექსპერტი იგორ შატროვი, - და არა მხოლოდ თავისი კავშირებით აზერბაიჯანთან. მაგალითად, საქართველოში აჭარა დიდი ხანია თურქეთის ფორპოსტად გადაიქცა. აზერბაიჯანს კი ანკარა "პატარა თურქეთად" თვლის. მე პირადად ძალიან კარგად ვიცი, რომ აზერბაიჯანული ელიტის მნიშვნელოვანი ნაწილი ასეთ ფანტაზიებს კმაყოფილებით იზიარებს.
რასაკვირველია, მსგავსი პოლიტიკური პროდუქტი შიდა ბაზარზეც "კარგად იყიდება": მცირე ძლევამოსილი ომი ყოველთვის კარგი დანართია ყველა წინასაარჩევნო კამპანიისათვის, ხოლო სამხედრო ბაზის გაჩენა უცხო ტერიტორიებზე სწორედ ასეთი ომების შედეგს წარმოადგენს.
- ჩვენ მრავალჯერ დავინახეთ, რომ ნატო მხოლოდ ერთი მოქმედებისთვის არის მზად - ალიანსი თავის პრინციპებს ღალატობს იმ შემთხვევებში, როცა ეს სასარგებლო და მომგებიანია ბრიუსელისა და ვაშინგტონისათვის. მაგალითად, ნატოს ქვეყნებმა მონაწილეობა არ მიიღეს რუსეთ-საქართველოს ხუთდღიან ომში 2008 წელს და იმის მიუხედავად, რომ თბილისი დახმარებას ითხოვდა, ისინი საქართველოს არ დაეხმარნენ. თქვენ ახლა იტყვით - არ დაეხმარნენ, რადგან საქართველო ნატოს წევრი არ არისო. კი, ეს თითქოსდა მნიშვნელოვანი არგუმენტია, მაგრამ იმავდროულად არაფრისმთქმელიც. რატომ? იმიტომ, რომ კონიუნქტურა ნატოს სასარგებლოდ თუ იქნებოდა, ბრიუსელი ომში ჩაებმებოდა. გავიხსენოთ ყოფილი იუგოსლავია... ყველა შემთხვევაში ნატოს სამხედრო ინფრასტრუქტურის მიახლოებამ რუსეთის საზღვრებთან იმ დროს, როცა ბრიუსელი და ვაშინგტონი მოსკოვს ღიად "მტერს" უწოდებენ, არ შეიძლება შეშფოთება არ გამოიწვიოს.
თავდაპირველად, იმალებოდა რა რუსეთის საფარქვეშ, ანკარა თავის საკითხებს წყვეტდა სირიაში. ახლა ზუსტად იგივე ტაქტიკას კავკასიაშიც იყენებს. ამასთან, ჩემი აზრით, რუსეთის საზღვრებთან ახალი ბლოკის შექმნა, რომლის წევრები სამხრეთკავკასიური და შუააზიური რესპუბლიკები იქნებიან, ამჟამად ძალიან საეჭვოა, თუმცა შორეული პერსპექტივისათვის შეიძლება ის შესრულებადი აღმოჩნდეს. ამ მიზნის მისაღწევად შეიძლება გამოყენებული იქნეს საერთო ფასეულობები - მაგალითად, ისლამური რელიგია და თურქული ერთობის იდეა. (წყარო)
სიახლეები
- ქუთაისში, თეატრმა "ლიანდაგმა" პირველ პრემიერას უმასპინძლა
- ბრძოლის რა გზა დარჩა ბოიკოტში მყოფ ოპოზიციას
- "მინდა გამოვთქვა დიდი უკმაყოფილება იმის გამო, რომ მე არ დამადანაშაულეს სანქციების შემოღებაში მონაწილეობაში" - მიხეილ სააკაშვილი
- მამუკა ხაზარაძესა და ბადრი ჯაფარიძეს მილიონ-მილიონი ლარის ოდენობის გირაო შეეფარდათ
- 8 ნოემბრის ასტროლოგიური პროგნოზი
