ბანგლადეშში ანტისამთავრობო საპროტესტო აქციებს 90 ადამიანი ემსხვერპლა
ბანგლადეშში, პოლიციასა და ანტისამთავრობო დემონსტრანტებს შორის კვირას მომხდარი შეტაკებების შედეგად, სულ მცირე 90 ადამიანი დაიღუპა, - ინფორმაციას BBC-ი ავრცელებს.
სამართალდამცავების ცნობით, 13 პოლიციელი დაიღუპა, როდესაც ათასობით ადამიანი სირაჯგანჯის რაიონში პოლიციის განყოფილებას დაესხა თავს.
დაღუპულები და დაშავებულები ქვეყნის სხვა ნაწილებშიც დაფიქსირდა, მათ შორის ჩრდილოეთ რაიონებში: რანგპურში, პაბნასა და ბოგრაში.
ათასობით ადამიანი შეიკრიბა დაკას მთავარ მოედანზე და ძალადობრივი ინციდენტები მოხდა დედაქალაქის სხვა რაიონებშიც.
ბანგლადეშში არეულობა მას შემდეგ დაიწყო, რაც სტუდენტთა ლიდერებმა პრემიერ-მინისტრ შეიხ ჰასინას გადადგომის მოთხოვნით სამოქალაქო დაუმორჩილებლობის კამპანია გამოაცხადეს. აღსანიშნავია, რომ სტუდენტური პროტესტი ივლისში საჯარო სამსახურში კვოტების გაუქმების მოთხოვნით დაიწყო, მაგრამ მოგვიანებით უფრო ფართო ანტისამთავრობო მოძრაობად იქცა. საპროტესტო მოძრაობის დაწყების შემდეგ დაღუპულთა საერთო რაოდენობა 280-ს აღემატება.
სიახლეები
- შსს-ს ინფორმაციით, რუსთაველის გამზირზე მიმდინარე საპროტესტო აქციაზე ადმინისტრაციული წესით 16 პირია დაკავებული
- “საგამოძიებო კომისიამ დაადგინა, რომ 2004 წლიდანვე „ნაციონალურმა მოძრაობამ“ ცხინვალის რეგიონსა და კოდორის ხეობასთან მიმართებით საქართველოს ტერიტორიული მთლიანობისა და სამშვიდობო პროცესისთვის საზიანო ნაბიჯები გადადგეს” - თეა წულუკიანი
- “საგამოძიებო კომისიამ დაადგინა, რომ 2004-12 წლებში, “ნაციონალური მოძრაობის” მიერ დაკავებულ პირთა მიმართ წამება და არაადამიანური მოპყრობა, იყო სისტემატური და სისტემური” - თეა წულუკიანი
- “საგამოძიებო კომისიამ დაადგინა, რომ პატიმართა მიმართ წამებისა და არაადამიანური მოპყრობის სხვადასხვა, სასტიკი მეთოდების გამოყენებას ჰქონდა თითქმის ყოველდღიური ხასიათი” - თეა წულუკიანი
- საყოველთაო ნათლობის 72-ე ეტაპისთვის მსურველთა რეგისტრაცია იწყება
