"მოსამართლე ჩახნაშვილი ცნობილია მონური მორჩილებით" - საძაგლიშვილი
მოსამართლე ნინო ჩახნაშვილი, ცნობილია საკუთარი მონური მორჩილებით ხელისუფლების მიმართ, რა დავალებაც არის გაცემული ის გადაწყვეტილება იქნება მიღებული, - ამის შესახებ "ნაციონალური მოძრაობის" ლიდერის ნიკა მელიას უფლებადამცველმა, დიმიტრი საძაგლიშვილმა განაცხადა.
საძაგლიშვილის თქმით, ნინო ჩახნაშვილი თვითონ არანაირ გადაწყვეტილებას არ მიიღებს და ხელისუფლების მიერ მიღებულ გადაწყვეტილებას გაახმოვანებს.
"სამწუხაროდ დღევანდელ სასამართლო სისტემაში, უმცირესობას წარმოადგენენ ის მოსამართლეები, რომლებიც არ ექვემდებარებიან პოლიტიკურ მითითებებს და არ არიან კლანის წევრები. ცხადია ასეთ მოსამართლეებთან არ ხვდება პოლიტიკური საქმეები, რაც შეეხება კონკრეტულად ნინო ჩახნაშვილს, ეს არის მოსამართლე, რომელიც ცნობილია საკუთარი მონური მორჩილებით ხელისუფლების მიმართ. ის იყო, მოსამართლე გიორგი რურუას საქმეზე და მან მიიღო გადაწყვეტილება მისი პატიმრობაში დატოვების თაობაზე. ნინო ჩახნაშვილი ბუნებრივია არ მიიღებს თავად არანაირ გადაწყვეტილებას და უბრალოდ მოსამართლის მანტიაში ჩაცმული პირი გაახმოვანებს ხელისუფლების მხრიდან მიღებულ გადაწყვეტილებას. რა დავალებაც არის გაცემული ის გადაწყვეტილება იქნება მიღებული, ნინო ჩახნაშვილის მხრიდან", - განაცხადა საძაგლიშვილმა.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
