"როდესაც პოლიტიკური ძალა ადამიანურ ტრაგედიებს საარჩევნო კამპანიისთვის იყენებს, ეს მძიმე მავნებლობა და გახრწნილობაა.

დღეს "ქართულმა ოცნებამ" 7 ნოემბრის ტრაგედია საპრეზიდენტო არჩევნების მარკეტინგში ჩართო და პოლიტიკური მიზნებისთვის გამოიყენა.

ის, რომ დღევანდელ ხელისუფლებას საერთოდ არ აღელვებს არც 7 ნოემბერი, არც 26 მაისი, არც მაღაროელები, არც მუშები და არცერთი ჩვენგანი, ეს მტკიცდება იმ სისტემის შენარჩუნებით, რასაც დღეს ვითომდა უჩიოდნენ - სასამართლო გინდა, პროკურატურა, სუსი თუ სხვა დანარჩენი.

რაც დღეს ვნახე, იშვიათი მაგალითია პოლიტიკური დეგრადაციისა, რაც ხელისუფლებამ აჩვენა.

პოლიტიკური თვალსაზრისით, შეიძლება ითქვას, რომ ეს კატასტროფაა."– წერს არჩილ გამზარდია.