საგარეო პოლიტიკის საკითხებში ევროკომისიის სპიკერმა, პიტერ სტანომ განაცხადა, რომ ინფორმაცია იმის შესახებ, რომ ევგენი პრიგოჟინი, სავარაუდოდ, ავიაკატასტროფაში დაიღუპა, რთული გადასამოწმებელია.
უკრაინის პრეზიდენტმა, ვოლოდიმირ ზელენსკიმ უკრაინელ ხალხს დამოუკიდებლობის დღე მიულოცა. ზელენსკის განცხადებით, დღეს დიდებული უკრაინის დიდებული ხალხი დიდებულ დღეს აღნიშნავს.
„უკრაინელები უკმაყოფილოდ და რიგ შემთხვევებში ბრაზით რეაგირებენ უცხოური მასმედიის სტატიებზე, რომელთა თანახმად, მფრინავების მომზადება ამერიკული „ფალკონების“ (F-16-ების) პილოტირებისათვის ძალიან ხანგრძლივი იქნება და მომავალი წლის ზაფხულამდე ვერ მოესწრება“, - წერს აშშ-ის გაზეთ „პოლიტიკოში“ (Politico) სამხედრო მიმომხილველი ჯეიმი დეტმარი. გაზეთის ევროპულ ვერსიაში (იბეჭდება ბელგიაში) გამოქვეყნებული სტატიის სათაურია „უკრაინელთა მიდგომა - „როგორც ჩვენ გვინდა, ისე უნდა იყოს“ - F-16-ების მართვის შესწავლას ვერ დაეხმარება“.
რუსეთის პრეზიდენტის, ვლადიმერ პუტინის განცხადებით, BRICS-ის სამიტი საერთაშორისო სამართალსა და გაერო-ს წესდებაზე დაფუძნებულ მსოფლიო წესრიგს იცავს და ასევე ადამიანის უფლებას თვითგანვითარებაზე. ინფორმაციას The Gardian-ი ავრცელებს.
რუსეთის ფედერაციის უშიშროების საბჭოს თავმჯდომარის მოადგილის, დიმიტრი მედვედევის განცხადებით, აფხაზეთისა და სამხრეთ ოსეთის რუსეთთან შეერთების იდეა შეიძლება განხორციელდეს, თუ დასავლეთი საქართველოში სიტუაციის გამწვავებას გააგრძელებს.
მინსკში აშშ-ის საელჩო აშშ-ის მოქალაქეებს მოუწოდებს, თავი შეიკავონ ბელარუსში გამგზავრებისგან, ხოლო მათ, ვინც უკვე ბელარუსში იმყოფება, დაუყოვნებლივ დატოვონ ქვეყანა.
