"უფრო მეტ ადამიანს გახდის ერთდროულად ავად უფრო მცირე დროში" - პაატა იმნაძე
დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის თქმით, კორონავირუსის ახალი შტამი, „ომიკრონი“ „დელტაზე“ უფრო სწრაფად გავრცელდება და განსაკუთრებით პრობლემებს საქართველოს მსგავს ქვეყნებს შეუქმნის.
მისი თქმით, მოსალოდნელია, რომ აღნიშნული შტამი უფრო მეტ ადამიანს დააინფიცირებს, ვიდრე მისი წინამორბედები.
ამასთან, იმნაძე არ გამორიცხავს, რომ მთელ დედამიწაზე "ომიკრონი" ისეთივე დომინანტური გახდეს როგორიც თავის დროზე ბრიტანული და ინდური შტამები გახდა.
„ყველაფრიდან ასე ჩანს, რომ „ომიკრონი", ალბათ, „დელტაზე“ უფრო სწრაფად გავრცელებადი იქნება. რა თქმა უნდა, ეს ისევ და ისევ ჩვენნაირ ქვეყნებს შეუქმნის ყველაზე მაღალ რისკს, ქვეყნებს, სადაც იმუნური მოსახლეობის წილი არ არის მაღალი. ძალიან ცოტა დრო არის გასული და ალბათ, ერთი-ორი კვირა იქნება საჭირო, რომ უფრო დაზუსტებული მეცნიერული მტკიცებულებები მივიღოთ, ჯერჯერობით ასე ჩანს, რომ ის უფრო სწრაფად ვრცელდება, კიდევ უფრო სწრაფად, ვიდრე „დელტა“ ვარიანტი, შესაბამისად, უფრო მეტ ადამიანს გახდის უფრო მცირე დროში ერთდროულად ავად, რაც გამოიწვევს გადატვირთვას.
ძალიან მალე შეიძლება, მთელ დედამიწაზე ისეთივე დომინანტური გახდეს „ომიკრონი", როგორიც თავის დროზე - ზაფხულში, ზაფხულამდე ბრიტანული ვარიანტი იყო”, - განაცხადა პაატა იმნაძემ „პალიტრანიუსის“ ეთერში.
სიახლეები
- "28 აპრილს თითოეული ქართველის ადგილი რუსთაველზეა" - ლევან ხაბეიშვილი
- "ეს ერთ-ერთი, ყველაზე მკაცრი რეზოლუციაა, რაც საქართველოსთან მიმართებით ოდესმე მიუღია ევროპარლამენტს" - ნინო კალანდაძე
- "არავის აქვს უფლება, სუვერენულ სახელმწიფოს ვიზალიბერალიზაცია წაართვას, რა ჩავიდინეთ, კანონს რომ ვიღებთ, რომელიც მოსახლეობის მხრიდან არის ნაკარნახევი?"
- "სააკაშვილი ხელისუფლებაში ნამყოფი ადამიანია და ბევრს იცნობდა, რა გასაკვირი იყო, რომ ევროპარლამენტში მეგობრები მოეძებნა, რომელიც დღევანდელ ხელისუფლებას გააკრიტიკებდა"
- "რეზოლუციაში ვიზალიბერალიზაციაზე ჩანაწერს ზუსტად ისეთივე ჩალის ფასი აქვს, როგორიც ჩანაწერებს ლგბტ პროპაგანდის არდაშვებასა და სააკაშვილის გათავისუფლების თაობაზე"