მათი თქმით, ამ შტამს მრავალი "საინტერესო" სიმპტომი აქვს, რომელიც მას COVID-19-ის სხვა მუტაციებისგან განასხვავებს.

ატიპიურ ნიშნებს შორის ხშირი ცემინება, ყელის ტკივილი და ცხვირიდან გამონადენია. მეცნიერების თქმით, ეს სიმპტომები ვუჰანური ვარიანტისთვის დამახასიათებელი არ იყო.

ვირუსოლოგების თქმით, "ომიკრონის" სიმპტომების უმეტესობა, სხვა ვარიანტებთან, შედარებით უფრო მსუბუქია. ამასთან, სპეციალისტმა ხაზგასმით აღნიშნა, რომ ახალი შტამის შესახებ მონაცემები აფრიკელი ექიმის დაკვირვებიდან არის აღებული და საჭიროა სხვა ქვეყნებიდან ინფორმაციის მიღება.

"უნდა დაველოდოთ იმ ფაქტს, რომ ამ ვარიანტმა, შესაძლოა, "დელტა" ჩაანაცვლოს“, - ვარაუდობენ ვირუსოლოგები და დასძენენ, რომ უმეტეს რეგისტრირებულ შემთხვევაში, ახალი შტამით ინფიცირებულ პაციენტებს COVID-19-ის საწინააღმდეგო ვაქცინაციას გავლილი არ ჰქონდათ.

ჯანდაცვის მსოფლიო ორგანიზაციამ სამხრეთ აფრიკაში გამოვლენილ კორონავირუსის ახალ ვარიანტს "ომიკრონი“ დაარქვა. "ომიკრონი“ ბერძნული ანბანის მე-15 ასოა (Ο).

COVID-ის ახალი საშიში შტამი ბრიტანელმა მეცნიერებმა აღმოაჩინეს. ის წინა შტამებზე უფრო საშიში და ვაქცინებისადმი მდგრადია, თუმცა ჯერჯერობით ფართოდ გავრცელებული არ არის. ექსპერტები თვლიან, რომ COVID-ის ახალი ვარიანტი ბოტსვანაში წარმოიშვა. ამ დროისთვის ამ შტამის 10 შემთხვევა სამ ქვეყანაშია დაფიქსირებული - ბოტსვანაში, სამხრეთ აფრიკასა და ჰონგ-კონგში. ის 32 მუტაციას შეიცავს.