რა მახასიათებლები აქვს "ომიკრონს" და რატომ აქვს მას შემაშფოთებელი შტამის კლასიფიკაცია
დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, "კორონავირუსის" ახალი შტამით ინფიცირებულთა 1/3-ს ჰოსპიტალიზაცია სჭირდება.
მისივე ცნობით, ინფიცირების ახალი შემთხვევების დიდი რაოდენობა ახალგაზრდა ასაკზე მოდის.
ამასთან, გამყრელიძე საყურადღებოდ მიიჩნევს იმ გარემოებას, რომ კოვიდგადატანილებში გაზრდილი ხელხალი ინფიცირების მაჩვენებელი.
„დგას მეორე პრობლემა და გამოწვევა, რომელმაც მოგეხსენებათ დიდი შეშფოთება გამოიწვია მთლიანად მსოფლიოში, გლობალურად. ამიტომაც მას, „ომიკრონს“ შემაშფოთებელი შტამის კლასიფიცირება მიენიჭა ჯანმრთელობის მსოფლიო ორგანიზაციის მიერ 26 ნოემბერს. ძალიან სწრაფი ტემპით მიდის წინ.
მისი რამდენიმე ძირითადი მახასიათებელი: გაორმაგების ვადა მერყეობს 1.8-დან 3.2-მდე. დეკემბრის მონაცემებია ეს. წინა დღეებთან შედარებით, საშუალო ზრდა ახალი შემთხვევების არის 35%. ახალი შემთხვევების დიდი პროცენტი მოდის 35 წლის ქვევით ასაკზე, ასევე გაზრდილია ჰოსპიტალიზაცია 2-44 წლის ასაკის ჯგუფში. ასევე, 2 წლის ქვემოთ ბავშვებში. საკმაოდ დამაფიქრებელია ის, რომ რეინფიცირების სიხშირე არის 5.4, ანუ ადამიანს თუ ჰქონდა ინფექცია გადატანილი ადრე, რეინფიცირება 5.4 მეათედ შემთხვევაში არის გაზრდილი. ინკუბაციური პერიოდი სამ დღემდე ჩამოვიდა, მაშინ როცა „დელტაზე“ იყო ოთხი და „ალფაზე“ იყო 5 დღე. შემთხვევის ერთ მესამედს სჭირდება სამედიცინო მეთვალყურეობა, რაც შემთხვევების დიდი რაოდენობის ფონზე, შეიძლება ძალიან დიდი ზეწოლა იყოს ჯანდაცვის სისტემაზე. ვაქინაცია არის პრევენციის მთავარი საშუალება, რადგან ახალი შტამის პირობებშიც, ვაქცინები „ომიკრონის“ შემთხვევაშიც იცავენ გართულებების და სიკვდილიანობისგან “, - განაცხადა გამყრელიძემ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე