March 28, 2024

ქუთაისის თეატრში სპექტაკლ „ტესტოსტერონის“ პრემიერა გაიმართა

ქუთაისის ლადო მესხიშვილის სახელობის პროფესიული სახელმწიფო თეატრის დასმა სპექტაკლ „ტესტოსტერონის“ პრემიერა გამართა.

საპრემიერო ჩვენებას საქართველოს კულტურის, სპორტისა და ახალგაზრდობის მინისტრი თეა წულუკიანი, იმერეთის სახელმწიფო რწმუნებული ზვიად შალამბერიძე, ქუთაისის საკრებულოს თავმჯდომარე ირაკლი შენგელია და სხვა მოწვეული სტუმრები ესწრებოდნენ.

 

 

პოლონელი დრამატურგის, ანჯეი სარამონოვიჩის, გახმაურებული კომედია ,,ტესტოსტერონის" თეატრალური ვერსია ქართულ სცენაზე რეჟისორმა ნინო მაღლაკელიძემ დადგა. სცენოგრაფები და კოსტიუმების ავტორები არიან შოთა ალიბეგაშვილი და აჩიკო შამახია, რეჟისორის ასისტენტია მაია კვიმსაძე. სპექტაკლი ეხება ქალისა და კაცის ურთიერთობას, გადმოცემულია მათი ტრავმები, ნაჩვენებია, როგორ წარმოუდგენია ზოგიერთ მამაკაცს, ვინ არის ქალი და როგორ უნდა მოექცეს მას; როგორია კაცი, როცა ის მხოლოდ მამაკაცთა საზოგადოებაშია და როგორი წარმოუდგენიათ მათ ქალი.

 

 

სპექტაკლში მონაწილეობენ როგორც მესხიშვილის თეატრის, ასევე მიწვეული მსახიობები: აბელ სოსელია, ბაქარ დეისაძე, იოანე იმედაძე, გია საგინაშვილი, ლექსო ჩემია, ნიკა ძნელაძე, სულხან გოგოლაშვილი და სოფო ჩირაძე.

 

სპექტაკლის ნახვა ასევე შესაძლებელი იქნება 31 იანვარს.

წაკითხვა 336 ჯერ განახლდა განახლდა იანვარი 30 2023
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.