დაპირისპირება ყარაჯალაში - დაშავებულებს შორის პოლიციელებიც არიან
თელავის მუნიციპალიტეტის სოფელ ყარაჯალაში გვიან ღამით თანასოფლელებს შორის დაწყებული დაპირისპირება სამი ადამიანის საავადმყოფოში გადაყვანით დასრულდა.
ადგილობრივების ინფორმაციით, კონფლიქტი ყოფით ნიადაგზე დაიწყო. ახალგაზრდების ორი ჯგუფი ერთმანეთს ჯერ სიტყვიერად, შემდეგ კი ფიზიკურად გაუსწორდა.
ყარაჯალაში მომხდარ ინციდენტთან დაკავშირებით ინფორმაციას ავრცელებს შინაგან საქმეთა სამინისტრო. მათი ინფორმაციით, გზაზე შეკრებილ 15-მდე მოქალაქეს, რომლებსაც ერთმანეთთან სიტყვიერი და ფიზიკური დაპირისპირება ჰქონდათ, მართლწესრიგის დაცვისკენ მოუწოდეს.
თუმცა, მხარეები არ დაემორჩილნენ პოლიციელთა კანონიერ მოწოდებებს და სამართალდამცველებს სიტყვიერი და ფიზიკური შეურაცხყოფა მიაყენეს. შინაგან საქმეთა სამინისტროს ინფორმაციით, ჩხუბში მონაწილე პირების გარდა სხვადასხვა სახის დაზიანებები მიიღეს პოლიციის თანამშრომლებმაც.
თელავის რაიონულ სამმართველოში მოქალაქეებს შორის მომხდარ ძალადობის ფაქტზე გამოძიება სსკ-ის 126-ე მუხლით, ხოლო პოლიციის თანამშრომლებზე განხორციელებული თავდასხმის და დაუმორჩილებლობის ფაქტზე სისხლის სამართლის კოდექსის 353-ე პრიმა მუხლით დაიწყო.
საქმეს კახეთის სამხარეო პოლიციის დეპარტამენტი იძიებს.
სიახლეები
- “არ მინდა, ბრძოლის გარეშე კალაძეს თბილისი გადავაბარო - მინდა, დავარწმუნო პარტნიორები, რომ გამარჯვების ფორმულა არის ბრძოლაში” -მამუკა ხაზარაძე
- თურქეთში ყურბან-ბაირამის პირველ დღეს 14 000-ზე მეტი ადამიანი დაშავდა
- “ჩვენ არ ვართ ბავშვები პუტინთან ერთად სკვერში, სათამაშო მოედანზე, ის მკვლელია, რომელიც ამ სკვერში ბავშვების მოსაკლავად მოვიდა” - ვვოლოდიმირ ზელენსკი ტრამპის განცხადებაზე
- განათლების სამინისტრო - გავრცელებული ინფორმაცია, რომ ინკლუზიური განათლების სამმართველო გაუქმდა, არ შეესაბამება სიმართლეს - გაერთიანდა სტრატეგიული დაგეგმვისა და ინკლუზიური განვითარების სამმართველო
- “ოპოზიციის “გარე უფროსები” ფსონს უკვე არა “ნაციონალურ მოძრაობაზე”, არამედ “ლელოსა” და გიორგი გახარიას გუნდზე – “საქართველოსთვის” დებენ” - ლევან მაჭავარიანი
