შინაური ცხოველების დარეგისტრირება ქუთაისში სავალდებულო გახდება
ქუთაისის მუნიციპალიტეტის საკრებულომ ბიუროს ფორმატში რიგით მე-4 სხდომის საკითხები განიხილა.
სხდომას საკრებულოს თავმჯდომარე, ირაკლი შენგელია უძღვებოდა.
სხდომაზე განსახილველ საკითხებს შორის იყო, ქალაქ ქუთაისის მუნიციპალიტეტის ტერიტორიაზე შინაური ცხოველების ყოლის წესის დამტკიცება.
ქუთაისის საკრებულომ აღნიშნული საკითხის განხილვის შემდეგ,ქალაქის ტერიტორიაზე შინაური ცხოველების ყოლის შესახებ ახალი დებულება დაამტკიცა.
დებულების მიხედვით, შინაური ცხოველის დარეგისტრირება სავალდებულო გახდება. გადაწყვეტილების გამოქვეყნებიდან ერთ თვეში მეპატრონეები ცხოველის დარეგისტრირებას ვეტ-კლინიკებსა და სხვადასხვა დაწესებულებაში შეძლებენ. რეგისტრაციის პროცესს კი მონიტორინგს ააიპ ,,სპეციალური სერვისები’’ გაუწევს.
თუ ცხოველის დარეგისტრირება არ მოხდება, ამ შემთხვევაში მეპატრონე დაჯარიმდება. დებულება ეხება როგორც წვრილფეხა და მსხვილფეხა შინაურ ცხოველებს, ასევე ძაღლებსა და კატებს.
ჯარიმის თანხა 20 ლარს შეადგენს, განმეორების შემთხვევაში - 50 ლარს.
სიახლეები
- "ჩვენ თუ ჩვენს სამშობლოში არ გადავწყვიტეთ ჩვენი გადასაწყვეტი, რამდენიმე ათწლეულში ერი აღარ იარსებებს!" - მამუკა მდინარაძე
- ზოდიაქოს 4 ნიშანი, რომელსაც უნიკალური ჯანმრთელობა აქვს
- "არ მჯერა გამარჯვების არცერთი სცენარის, თუ არ მოხდა ძალების გაერთიანება, მჯერა, რომ ახლა რუსეთს ვებრძვით" - რას წერს ზურა ჯაფარიძე?
- 17-წლიანი არსებობის შემდეგ რატომ გახდა აუცილებელი ნატოსა და ევროკავშირის შესახებ საინფორმაციო ცენტრის რეორგანიზაცია
- როგორი ამინდია მოსალოდნელი საქართველოში
