ქუთაისის მერი იოსებ ხახალეიშვილი ევროკავშირის შავი ზღვის პროგრამის წარმომადგენლებს შეხვდა
ქუთაისის მერი იოსებ ხახალეიშვილი ევროკავშირის შავი ზღვის პროგრამის წარმომადგენლებს შეხვდა. ჯორჯიანა ბრატუ და ჯესიკა პაპუკა ქუთაისში პროექტის" BSB 457 მდინარეები ნარჩენების გარეშე-სუფთა შავი ზღვა" მონიტორინგის მიზნით იმყოფებოდნენ.
პროექტი ქუთაისის ადგილობრივი თვითმმართველობის მიერ განხორციელდა 2018-2021 წლებში და მის ფარგლებში ქალაქში შეიქმნა ნარჩენების კომპოსტირების ცენტრი, განხორციელდა პლასტიკის და ქაღალდის სეპარირება. დონორი ორგანიზაციის წარმომადგენლებმა დაათვალიერეს პროექტის ფარგლებში შექმნილი საკომპოსტე ცენტრი.
"BSB457 მდინარეები ნარჩენების გარეშე-სუფთა შავი ზღვა “- ეს არის კიდევ ერთი საერთაშორისო პროექტი , რომელიც წარმატებით განხორციელდა ქუთაისში . ამ პროექტის საშუალებით ჩვენ შევძელით ქალაქში დაგვეწყო ნარჩენების სეპარირებული შეგროვება, შევქმენით საკომპოსტე მოედანი, რომელიც პირველია ჩვენს რეგიონში, დავამყარეთ ახალი საერთაშორისო ურთიერთობები, ამ მიმართულებით საუკეთესო პრაქტიკისა და გამოცდილების გაზიარების მიზნით.
მოხარული ვარ, რომ კიდევ ერთხელ მოგვეცა საშუალება შევხვედროდით ევროკავშირის „შავი ზღვის ქვეყნების პროგრამის „წარმომადგენლებს. ვისაუბრეთ როგორც პროექტით მიღებულ სარგებელზე, ასევე მომავალი თანამშრომლობის ასპექტებზეც. თანამედროვე მსოფლიოსთვის ეს უმნიშვნელოვანესი თემებია და მადლობა მინდა ვუთხრა საქართველოში ევროკავშირის წარმომადგენლებს ნაყოფიერი თანამშრომლობისთვის"- განაცხადა იოსებ ხახალეიშვილმა.
პროექტის განხორციელებაში, ქუთაისის თვითმმართველობასთან ერთად, ჩართული იყვნენ ქალაქ უნგენის მერია (მოლდოვა), ასოციაცია "ტექნოპოლ გალაცი" (რუმინეთი) და იმერეთის მხარის მეცნიერთა კავშირი "სპექტრი".
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"