" სტიქიის ზონაში 2 მცირეწლოვანის ძებნა გრძელდება - საძიებო სამუშაოები გაგრძელდება იქამდე, ვიდრე მცირედი შანსი მაინც იქნება"- სერგი ხიდეშელი
საძიებო სამუშაოები გაგრძელდება იქამდე, სანამ მცირედი შანსიც კი იქნება, - ამის შესახებ ონის მუნიციპალიტეტის მერმა სერგი ხიდეშელმა განაცხადა.
მისი ინფორმაციით, ამ დროისთვის 2 მცირეწლოვანის ძიება გრძელდება.
როგორც ონის მერმა განაცხადა, საძიებო სამუშაოების შეწყვეტის ან ლოკაციების გაფართოების შესახებ გადაწყვეტილებას თავად სამაშველო სამსახური მიიღებს.
„აქტიურ რეჟიმში გრძელდება კვლავ სამუშაოები სტიქიის ზონაში. როგორც მოგეხსენებათ, ლოკაციებია როგორც უშუალო სტიქიის ზონაში, ასევე ჭანჭახისა და რიონის კალაპოტებში. ამ დროისთვის არსებული მონაცემებით, 31 მოქალაქეა ნაპოვნი, 29 არის იდენტიფიცირებული. საძიებო სამუშაოები გაგრძელდება იქამდე, სანამ მცირედი შანსიც კი იქნება. რაც შეეხება საძიებო სამუშაოების შეწყვეტას, ლოკაციების გაფართოებას და ა.შ. ამაზე სამაშველო სამსახური მიიღებს გადაწყვეტილებას. ჩვენი ინფორმაციით, ორი მცირეწლოვანის ძიება მიმდინარეობს“, - განაცხადა სერგი ხიდეშელმა.
სიახლეები
- ,,შემდგომი მოქმედებები მხოლოდ იმის მერე განისაზღვრება, თუ რას აჩვენებს დინამიკაში ორგანიზმი; ვლოცულობთ და ღმერთს ვთხოვთ მისთვის მხნეობას და ჯანმრთელობას” – ანდრია ჯაღმაიძე
- ,,ვიცით, რომ მათი ყველა გადაადგილება კონტროლდება გარედან, არჩევნებში მონაწილეობის მიღება-არმიღება, გაერთიანება-არგაერთიანება"- ნინო წილოსანი
- ,,შეფასდა მიმდინარე მკურნალობის ეფექტიანობა და პერსპექტიულობა; ითქვა, რომ მკურნალობა მიმდინარეობს სწორედ ისე, როგორც უნდა მიმდინარეობდეს"- მიხეილ სარჯველაძე
- ,,სისულელეები მოვისმინეთ, რა უნდა შეისწავლოს ერთმა ადამიანმა, რომელიც 2 დღით ჩამოდის?"- კახა კალაძე
- ყოფილი სახალხო დამცველი,უჩა ნანუაშვილი სუს-ში მისვლაზე უარს ამბობს
