კახეთში სეტყვით დაზიანებულ ყურძენს სახელმწიფო შეისყიდის
ღვინის ეროვნული სააგენტოს მიერ გავრცელებული ინფორმაციით, სახელმწიფო სტიქიით დაზარალებულ მევენახეებს სთავაზობს მათგან სეტყვით დაზიანებული ყურძნის შეძენას.
"სახელმწიფო საწარმო შპს "მოსავლის მართვის კომპანია" მზად არის 1 კილოგრამში 0.90 ლარი გადაიხადოს. რთვლის საკოორდინაციო შტაბი 24-საათიან რეჟიმში მუშაობს და ყველა რესურსი მობილიზებულია იმისთვის, რომ დაზარალებულმა მევენახეებმა შეუფერხებლად შეძლონ მოსავლის დაბინავება",- ნათქვამია სააგენტოს პრესრელიზში.
განცხადების ფონია 2 სექტემბერს კახეთის რეგიონში მოსული ძლიერი სეტყვა, რომელმაც ყვარლის, თელავის, ახმეტის და გურჯაანის მუნიციპალიტეტებში ფერმერების მოსავლის დიდი ნაწილი გაანადგურა. ფარდა ვენახებისა და ბაღ-ბოსტნებისა, სეტყვამ და ძლიერმა ქარმა კახეთში დააზიანა ელექტროგადამცემი ბოძები, შენობების სახურავები, წააქცია ხეები.
სიახლეები
- აქტივისტ უჩა ქემაშვილს სასამართლომ 10-დღიანი ადმინისტრაციული პატიმრობა შეუფარდა
- “მე შემეძლო არ გადამეხადა გირაო, მაგრამ გადავიხადე იმიტომ, რომ ეს პროცესი კიდევ ერთხელ გაიწელოს და კიდევ ერთხელ ყველამ დაინახოს, რომ ჩვენ არც სასამართლო გვაქვს, არც სამართალი” - მამუკა ხაზარაძე
- სომხეთის რესპუბლიკიდან შემოტანილი მოჭრილი ყვავილები უკან გაბრუნებას დაექვემდებარა
- ლარის კურსი
- “საქართველოსთვის დიდი დანაკარგი არ იქნება, „ლელო“ ანა დოლიძესთან ერთად იქნება, თუ ცალკე” - გიორგი ვოლსკი
