September 30, 2023

ქუთაისის მერი იოსებ ხახალეიშვილი, ახალი სასწავლო წლის დაწყებასთან დაკავშირებით, აკაკი წერეთლის სახელმწიფო უნივერსიტეტს ეწვია

ქუთაისის მერი იოსებ ხახალეიშვილი, ახალი სასწავლო წლის დაწყებასთან დაკავშირებით, აკაკი წერეთლის სახელმწიფო უნივერსიტეტს ეწვია.


ქალაქის მერმა, მაჟორიტარმა დეპუტატმა ზაზა ლომინაძემ, სახელმწიფო რწმუნებულის მოადგილემ ლევან კიკნაველიძემ,საკრებულოს თავმჯდომარის პირველმა მოადგილემ გია ბასილაძემ, უნივერსიტეტის ხელმძღვანელებმა, სტუდენტებსა და პროფესორ-მასწავლებლებს ახალი სასწავლო წლის დაწყება მიულოცეს.


იოსებ ხახალეიშვილმა, აწსუ-ში 100%-იანი სახელმწიფო დაფინანსებით ჩარიცხულ პირველკურსელებს სახსოვრად გადასცა რეზო გაბრიაძის წიგნი „ ჩემი პატარა ქალაქი“.


„ახალ სასწავლო წელს ვულოცავ ყველა სტუდენტს! ეს არის თაობა, რომელზეც არამხოლოდ ჩვენი ქვეყნის მომავალია დამოკიდებული, არამედ, ისინი დღესაც ხმამაღლა ამბობენ თავიანთ სათქმელს და აქტიურად არიან ჩართული ქვეყნის, ქალაქის ცხოვრებაში.


განსაკუთრებულად ვულოცავ პირველკურსელებს- მათ, ვინც ქუთაისის უნივერსიტეტებში გადაწყვიტა უმაღლესი განათლების მიღება და წარმატებით ჩააბარა ერთიანი ეროვნული გამოცდები.


წინ საინტერესო, მრავალფეროვანი და სიახლეებით სავსე დღეები გაქვთ! წარმატებული იყოს თქვენთვის სტუდენტობის წლები!“-განაცხადა იოსებ ხახალეიშვილმა.

წაკითხვა 121 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.