ქალაქის მერმა ისაუბრა მიმდინარე წელს, ქუთაისის მუნიციპალიტეტში, სხვადასხვა მიმართულებით განხორცილებულ პროექტებსა და პროგრამებზე.
უპრეცენდენტო იყო 2019 წლის ინფრასტრუქტურული პროექტების მოცულობა და განსაკუთრებით -საგზაო სამუშაოების. სულ შესრულდა 50-მდე საგზაო პროექტი, საყრდენი კედლების შესაკეთებლად ( სტიქიის პრევენცია, 37 პროექტი) დაიხარჯა 2 მილიონ ლარამდე, საბავშვო ბაღების ფლიგელების მოსაწყობად - 471 000 ლარამდე. 565 000 ლარი გამოიყო ფასადების შესაკეთებლად. სანიაღვრე სისტემების სარეაბილიტაციო სამუშაოები 3 მილიონ ლარამდე დაჯდა, სკოლების მცირე სარეაბილიტაციო სამუშაოები - 2 მილიონ ლარამდე.

ქუთაისში სოციალური მიმართულებით განხორცილებული პროგრამებიდან გამორჩეულად მნიშვნელოვანია გადაუდებელი რეაგირების პროგრამა- პროგრამის ბიუჯეტი 50 000 ლარი, მკვეთრად შეზღუდული შესაძლებლობების ( ნულოვნი მხედველობის) მქონე პირთა საზოგადოებაში ინტეგრაციის ხელშეწყობის პროგრამა - პროგრამის ბიუჯეტი 5 500 ლარი, შეზღუდული შესაძლებლობების სტატუსის მქონე სტუდენტების მხარდაჭერის პროგრამა- 7 000 ლარი, ოჯახური ძალადობის მსხვერპლთა დახმარების პროგრამა- 10 000 ლარი. შინმოვლის პროგრამა- 25 000 ლარი, ლეიკოზითა და სოლიდური სიმსივნის ფორმით დაავადებულ პირთა თანადგომა- 25 000 ლარი, კოხლეარული იმპლანტით მოსარგებლე ბენეფიციართა დახმარება - 27 000 ლარი, უფასო მგზავრობა - 293 800 ლარი,შშმ პირების დახმარება- 35 000 ლარი, განსაკუთრებული საჭიროების მქონე პირთა თანადგომა- 152 000 ლარი, სოციალურად დაუცველი ოჯახების ყოფითი პირობების გაუმჯობესების ხელშეწყობა- 200 000 ლარი, სოციალური ღონისძიებები- 316 700 ლარი,

მრავალშვილიანი ოჯახების დახმარება - 1 000 000 ლარი, მარტოხელა მშობელთა დახმარების პრორგამა - 10 000 ლარი, აუტიზმის სპექტრის დარღვევის მქონე ბავშვთა რეაბილიტაციის პროგრამა- 340 500 ლარი, შშმ პირების მხარდაჭერაზე ორიენტირებული პროგრამების დაფინასება/თანადაფინასება- 25 000 ლარი.

მნიშვნელოვანი პროექტები განხორციელდა საბინაო ინფრასტრუქტურაში არსებული პრობლემების მოსაგვარებლადაც.

ქალაქის მერმა შემაჯამებელ შეხვედრაზე ისაუბრა 2020 წლის ბიუჯეტით გათვალისწინებულ რამდენიმე პროექტზეც.

რგფ-ის მიერ 2020 წელს ქუთაისში რეაბილიტაცია ჩაუტარდება 7 სპორტსკოლას და 3 სამუსიკო სკოლას, შეკეთდება 5 მრავალბინიანი საცხოვრებელი კორპუსის ფასადი, მოეწყობა 8 სკვერი, დაიგება რამდენიმე ათეული ქუჩა.

გათვალისწინებულია მრავალბინიანი საცხოვრებელი სახლების ლიფტების და ეზოების კეთილმოწყობა და მარტივი ტიპის სპორტული მოედნის მოწყობა. დაგეგმილია მე-4 პოლიკლინიკის რეაბილიტაცია.

ამავე შეხვედრაზე, ქუთაისის მერმა გიორგი ჭიღვარიამ და ვიცე-მერმა დავით ერემეიშვილმა მადლობის სიგელები გადასცეს კონკურსის „ბიუჯეტირება 2019“ გამარჯვებული პროექტების ავტორებს.