ქუთაისში ბანკი გაძარცვეს
ქუთაისში, ილია ჭავჭავაძის გამზირის მდებარე მიკროსაფინანსო ორგანიზაცია "ინტელექსპრესიდან" ნახევარ მილიონამდე ლარი და ძვირფასი ნივთები წაიღეს.
წაღებულია სეიფი და ძვირფასი ნივთები.
ამ დრომდე დაუდგენელი პირები მიკროსაფინსო ორგანიზაციის შენობაში მრავალსართულიანი კორპუსის სარდაფიდან მოხვდნენ. მათ სარდაფის ჭერი ამოჭრეს, რომელიც ბანკის იატაკია.
სიგნალიზაციის ჩართვის შემდეგ ადგილზე დაცვის სამსახურის წარმომადგენლები მივიდნენ თუმცა, იმის გამო, რომ ბანკის კარი და ფანჯარა ხელუხლებელი იყო, ისინი უკან დაბრუნდნენ.
"ჩაირთო განგაშის სიგნალი საცავიდან, მივიდნენ დაცვის პოლიციის თანამშრომლები, მაგრამ არ გახსნეს ობიექტი, რადგან საკეტები არ იყო დაზიანებული. სარდაფიდან არიან შესულები. საცავში დაცვის პოლიცია არ შესულა" - განაცხადა ორგანიზაციის იურისტმა.
შსს-ში მომხდარს ადასტურებენ. უწყების ინფორმაციით, საქმეზე გამოძიება 177-ე მუხლით მიმდინარეობს, რაც ქურდობას გულისხმობს. სამინისტროს ცნობით, დამნაშავეების დასაკავებლად აქტიური საგამოძიებო ღონისძიებები მიმდინარეობს.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი
