მომზადების წესი
1 დაბალ ტემპერატურაზე ქვაბში გააცხელეთ 1 ლიტრი წყალი, დაუმატეთ 1 ჭიქა შაქარი და ლიმონის წვენი. ურიეთ შაქრის გადნობამდე. დაუმატეთ გარეცხილი, გათლილი, თესლგაცლილი და ოთხად გაჭრილი კომში. დააფარეთ და ადუღეთ დაბალ ცეცხლზე 4 საათით, შეწითლებამდე და დარბილებამდე. გადმოდგით გაზქურიდან და სიროფშივე გააგრილეთ.
2წინასწარ გააცხელეთ ღუმელი 190 C-ზე. მოუსვით ცხიმი 23 სმ ზომის მრგვალ საცხობ ლანგარს.
3ფქვილი, დარჩენილი შაქარი, გამაფხვიერებელი და ლიმონის ცედრა თასში მოათავსეთ. ცალკე თასში ათქვიფეთ რძე, კვერცხი, ზეთი, ვანილის ექსტრაქტი და ფქვილის ნაზავს შეურიეთ. ცომი წინასწარ გამზადებულ ლანგარზე გადაიტანეთ. აცხვეთ 10 წუთით. კომშის ნაჭრები ცომზე ლამაზად მოალაგეთ. აცხვეთ კიდევ 30 წუთით, სანამ ცენტრში მოთავსებულ კბილის ჩხირს სუფთას არ ამოიღებთ.
4ნამცხვარს კომშის სიროფი ფუნჯით გადაუსვით და ლანგარშივე 5 წუთით გააგრილეთ. მიირთვით ნაღებთან ერთად.
წყარო: კულინარია
მომზადების წესი
1. გამოიყენეთ საკვები თერმომეტრი, რათა შეამოწმოთ, მიაღწია თუ არა ქათმის ხორცმა უსაფრთხო მინიმალურ შიდა ტემპერატურას - 73 გრადუსს, რომელიც საკმარისია მავნე მიკრობების გასაქრობად.
2. ღუმელში გამოსაცხობად, უმჯობესია გამოიყენოთ ქათმის ხორცის ძვლიანი ნაწილები. აუცილებლად გააცხელეთ ღუმელი 10-15 წუთით ადრე 200 გრადუსზე. მოათავსეთ ქათმის ნაჭრები ღუმელში 20-22 წთ, შემდეგ დაუწიეთ ტემპერატურას 180 გრადუსზე მომდევნო 10 წთ. შედეგად მიიღებთ საოცრად წვნიან და რბილ ქათმის ხორცს.
3. თუ ქათმის ხორცს წვავთ ტაფაზე, უმჯობესია კარგად გაახუროთ ტაფა, დაასხათ ცხიმი, მოათავსოთ ქათმის ხორცი საშუალო ცეცხლზე 1 წთ. შემდეგ დაუწიოთ გაზს და დაბალ ცეცხზლე გააგრძელოთ 7-10 წთ წვა. ტაფას დაახურეთ თავსახური, რათა შეინარჩუნოს თავისი წვენი. შედეგად მიიღებთ უგემრიელეს ქათმის კერძს.
წყარო:კულინარია
წინასწარ გააცხელეთ ღუმელი 200 C-ზე. მიქსერით შაქარი და კუბიკებად დაჭრილი კარაქი(ოთახის ტემპერატურის) ფაფუკი მასის მიღებამდე 3–5 წუთით თქვიფეთ. დაუმატეთ კვერცხები(ოთახის ტემპერატურის) სათითაოდ, თასის კიდეები კოვზით ჩაწმინდეთ და დაუმატეთ ვანილის ექსტრაქტი.
საშუალო თასში აურიეთ ფქვილი, სოდა, გამაფხვიერებელი და დარიჩინი. ფქვილის ნაზავის მესამედი კვერცხის ნაზავს დაუმატეთ და ათქვიფეთ. შემდეგ შეურიეთ რძის ნახევარი. დაუმატეთ კიდევ ფქვილის მესამედი, ათქვიფეთ და შეურიეთ დარჩენილი რძე. შეათქვიფეთ დარჩენილი ფქვილიც. თქვიფეთ კარგად და საჭიროებისამებრ, თასის გვერდები კოვზით ჩაწმინდეთ. შეურიეთ შუაზე გაჭრილი და კურკაგაცლილი ყურძენი.
მოუსვით ცხიმი მაფინის საცხობ 15 ჭიქიან ფორმას. თითოეული ჭიქა ცომით თითქმის ბოლომდე ამოავსეთ. მოაყარეთ შაქარი და აცხვეთ 15–20 წუთით, გადაბრაწვამდე. გააგრილეთ ფორმაშივე. მიირთვით თბილი ან გააგრილეთ და შეინახეთ ჰერმეტულ კონტეინერში სამ დღემდე.
წყარო:კულინარია
900 გრამი ქათმის ფილე
1
ზოლებად დაჭრილი ქათამი ცელოფნის პარკში (შესაკრავი თავით) მოათავსეთ. მეორე ასეთივე პარკში მოათავსეთ წვრილ ზოლებად დაჭრილი ხახვი და ბულგარული წიწაკა(წითელი, მწვანე ან ყვითელი). ქილაში მოათავსეთ ზეითუნის ზეთი, ლიმონის წვენი, ჩილი, ძირა, კაიენის წიწაკა, მარილი, პილპილი და ნიორი. თავსახური კარგად მოუჭირეთ და შეანჯღრიეთ.
მიღებული ნაზავის 1/3 ნაწილი ქათმის ხორცს მოასხით, 1/3 ნაწილი ბოსტნეულს და ნარჩენილი მესამედი გადაინახეთ. პარკები კარგად შეკარით და მაცივარში სულ მცირე ერთი საათით მოათავსეთ.
როცა შესაწვავად მზად იქნება, საშუალოზე მაღალ ტემპერატურაზე გააცხელეთ დიდი ტაფა. ბოსტნეულის მარინადი პარკიდან ტაფაზე გადმოასხით და თუშეთ დარბილებამდე, დაახლოებით 5 წუთით. ბოსტნეული ტაფიდან თეფშზე გადაიტანეთ და ამავე ტაფაზე ქათმის ხორცი მოათავსეთ. როცა ქათამი შეიწვება, ბოსტნეული ტაფაში ჩააბრუნეთ და დაუმატეთ გადანახული მარინადის მესამედი. გამორთეთ გაზქურა.
მექსიკელები ფახიტასს ტორტილათი (შესაძლებელია ბებოს ლავაშით ჩანაცვლება) მიირთმევენ. თუმცა, ჩვეულებრივ, მის გარეშეც ისეთივე გემრიელია
წყარო: კულინარია
