ზაზა სარალიძე შინაგან საქმეთა სამინისტროს შენობიდან ინგოროყვას კლინიკაში გადაიყვანეს. ადვოკატის ინფორმაციით, მიზეზი ემოციური ფონი და მაღალი წნევა გახდა.
ქუთაისის საკრებულოს ყოფილმა მაჟორიტარმა დეპუტატმა, ნატო ქათამაძემ, დემოკრატიული ჩართულობის ცენტრში პრესკონფერენცია გამართა. ნატო ქათამაძემ მდინარე ოღასკურის რეაბილიტაციის პროექტის არასწორ განხორციელებაზე ისაუბრა და ჟურნალისტების შეკითხვებს უპასუხა. ყოფილი დეპუტატის თქმით, მდინარის ფსკერის მობეტონებას პროექტი არ ითვალისწინებდა და აღნიშნული სამუშაოები, სავარაუდოდ, კანონდარღვევით წარიმართა.
ოჯახის წევრები და ახლობლები გორში, ცხრა წლის ნანა ბერიაშვილს ეძებენ. ბავშვის გაუჩინარების შესახებ სამართალდამცავებს ოჯახმა დღეს საღამოს შეატყობინა.
25-წლიანი უწყლობის შემდეგ ჭიათურის მუნიციპალიტეტის, სოფელ ითხვისის მოსახლეობას სასმელი წყალი მიეწოდება. იმერეთში სახელმწიფო რწმუნებულმა–გუბერნატორმა, შავლეგო ტაბატაძემ, ადგილობრივებთან ერთად განხორციელებული სამუშაოები დაათვალიერა. სოფელ ითხვისში სასმელი წყლის მილების დამონტაჟება და რეაბილიტაცია 2 კვირის მანძილზე მიმდინარეობდა.
თბილისის მეტრო ლილომდე გაფართოვდება და ყოველდღიურად დამატებით 200 000 მაცხოვრებელს მოემსახურება, რაზეც $90 მლნ დაიხარჯება.
გორში, კულტურისა და დასვენების პარკში, ახალგაზრდა მამაკაცი დაჭრეს.
