ვარჯიშისის დროს, გულის შეტევით "პარტიზანის" კალათბურთელი მაიკლ ოჯო გარდაიცვალა.
8 აგვისტო 2008 წლის რუსეთ-საქართველოს ომში დაღუპულთა ხსოვნის დღეა.
დღეს წყალტუბოს მუნიციპალიტეტის მერმა გრიგოლ იოსელიანმა, მაჟორიტარმა დეპუტატმა ცოტნე ზურაბიანმა, "ქართული ოცნება- დემოკრატიული საქართველოს" მაჟორიტარი დეპუტატობის კანდიდატმა გივი ჭიჭინაძემ და საკრებულოს თავმჯდომარის მოვალეობის შემსრულებელმა პაატა ახალაძემ 8 აგვისტოს ომში დაღუპული წყალტუბოელი გმირების საფლავები ყვავილებით შეამკეს.
იმერეთში სახელმწიფო რწმუნებულმა ზვიად შალამბერიძემ და ქუთაისის მერის მოვალეობის შემსრულებელმა დავით ერემეიშვილმა ქუთაისში, გმირთა მემორიალთან ომის დროს დაღუპულთა ხსოვნას პატივი მიაგეს.
რუსეთ-საქართველოს აგვისტოს ომში დაღუპულთა ხსოვნის პატივსაცემად იმერეთის თორმეტივე მუნიციპალიტეტში არსებულ სახელმწიფო დაწესებულებებზე სახელმწიფო დროშები დაშვებულია.
აფხაზეთისა და ცხინვალის რეგიონების ოკუპაციის მიზნით, რუსეთის ფედერაციის მიერ საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნისთვის პატივის მიგების ნიშნად, საქართველოს მთავრობის ადმინისტრაციის შენობაზე სახელმწიფო დროშა დაშვებულია.
