"წარმოუდგენელი ამბავია! -- პუტინმა თქვა, ავტოკეფალია უკრაინისთვისაც ცუდია, რადგან უკრაინულ ეკლესიას დამოუკიდებლობას ართმევს და კონსტანტინოპოლს უქვემდებარებსო.

არ დააყოვნა საქართველოს ხელისუფლებამ და ასეთი ორლესული მესიჯბოქსი გამოაცხო -- "მივესალმებით ნებისმიერ გადაწყვეტილებას, რომელიც უკრაინის სუვერენიტეტისა და დამოუკიდებლობის გაძლიერებისკენ იქნება მიმართული" 

დგანან და იმეორებენ თუთიყუშებივით, მილოცვით კი მაინც არ ულოცავენ ალბათ პუტინსაც უპატაკებენ - მეტი რა ვქნათ, ვლადიმირ ვლადიმირის ძევ, ამდენი ხანი გელოდეთ, საკუთარი ხალხისგან ლანძღვა ვითმინეთ და ბოლოს მაინც თქვენ დაგეთანხმეთ - თან ისე, რომ უკრაინელებიც ძალიან ვერ მოგვედავონო.

ხედავთ, რა ჭკვიანი მთავრობა გვყავს? თქვენ კიდევ "მოღალატე, მოღალატეო", აგიკვიატებიათ."- წერს ზაზა ბიბილაშვილი.