მოქმედმა ოლიმპიურმა ჩემპიონმა თავდაპირველად სამხრეთ კორეელი დონჰან გვაკი ვაზარით დაამარცხა. ბექაურმა მეოთხედფინალში იაპონელ შოიჩირო მუკაისაც სძლია, თუმცა, ნახევარფინალში კოსუკე მაშიიამასთან შიდოებით დამარცხდა.

ტოკიოში ძიუდოს გრანდ სლემზე 5 ქართველი ძიუდოისტი ასპარეზობდა, თუმცა, ფინალურ ბლოკში მხოლოდ ლაშა ბექაური გამოვიდა.

57კგ წონით კატეგორიაში ეთერ ლიპარტელიანი პირველივე წრეში იაპონელ ცუკასა იოშიდასთან დამარცხდა. ამავე წონით კატეგორიაში ასპარეზობას ნაადრევად გამოეთიშა ნინო ლოლაძეც, რომელიც მეორე წრეში გერმანელ პაულინ შტარკესთან წააგო.

63კგ წონით კატეგორიაში მოასპარეზე ეთერ ასკილაშვილმა პირველი ეტაპის გავლა შეძლო, მაგრამ მეორე წრეში პოლონელმა ანჟელიკა შიმანსკამ აჯობა.